Zanlai ah Mizo Pawl Naamtong in A Luhhnawh Tu “Vaipa” Cu Mizo Pawl nih An Tleihkhawh

Mizoram ah hin Vai ( Kala ) pawl zong zei maw zat an um ve i , mi thenkhat cu an fel i mizo pawl zong an dawt hna i an mah vairam bantuk tein mizo ah hin nuam ngai in rian a tuan i a um mi zong an tampi. cu lak ah cun vaisual le vai thalo kan ti mi bantuk deuh pawl zong mizo ram ah rian tuan le kuli tuan in an i hlawh ve i a can ah cun mithir fir le hngakchia tleihhrem te hna an hmang i mizo pawl zong nih fak taktak in kut an thlak phah tawn hna nak a si .

Aizawl ,Pi Lalhlupuii ,Buhchang dawr ah cun Vaipa pakhat cu nam tong saupi i ken i a lut i , a luh thawngpang cu inn pa nih an theih tik ah an pawngkam i a um mi an innpa pawl cu an i phone hna i a thli tein vaipa cu an va fuh i an va tleih khawh .an va tleih ah hin Vaipa nih hin zeihmanh ah a rak rel hna lo ti a si a namtong cun a mah tu nih a rak dum hna i tuk viar a rak timh lehlam hna .

innpa pawl nih an va fuh i an va tleih zong ah hin hi Vaipa nih hin ai ken mi namtong saupi cun mizo pawl cu sam viar a rak timh hna i fawi tein an tlai kho colh lo ti a si .minung pahnihkhat lawng cu si u sih law a namtong khan a kan tuk lai i a kan thah dih ko lai , a mah kha zoh tik ah mithah zong a tih men mi a si lo tih a nung taktak tiah Vaipa a va tlai ve mi pakhat nih cun a chim .

an tleih khawh hnu ah cun zankho lo dingin hri in an hren i mikip nih an hmuh , a muisam zoh hrim hrim ah hin mi tha lo hrim asi ko . mizo pawl nih cun an thinhung tuk i kan ram ah an um hlei hlei ah an duh poh in khua an sa namtong hna i ken in mi dawr tiang an boh , hi pa zong hi police kut zong ah pe hlah u mipi kut thlak nak in thi lawlaw seh tiah an thinhun tein an chim cio . hi Vaipa hi an khualei (Vairam) ah maw an kuat lai Mizo ram Police kut ah dah an chiah lai ti cu tu tiang theih a si rih lo .

Mizoram ah hin Vai hi an tamtuk ve cang i an mah biaknak zong an hmang ve cang i hmailei lebang ah cun Mizo hi Vai nih a kan chung khumh dih te lai i kan fale chan ah cun kan ram hi Vairam ah a cang te kho , cu ca ah cun a tu te in kan i ralrin i mizo ram i a um mi Vaipawl zong hi an khua le ram cio ah kan thawl hna awk a si cang tiah Mizo upa lungfim deuh mi tampi nih cun an chim lengmang . a si nain Mizoram Cozah nih tuanvo a lak ve lo caah tu tiang cu Vaipawl zong Mizo ram ah duh tawk in khua an sa i tu bantuk in thilsual an tuah ngam lengmang nak hi a si ve . Mizo World News