Vawleicung Footballer Minthang Diego Maradona Ruak Cungah Hman Aithla Mi An Rian In An Phuah Hna

Vawleicung footballer minthang minung tam taktak nih an uar mi Diego Maradona cu November thla ni 25 ah khan kum 60 in a nunnak a liam i, amah uartu a fans tampi hna nih an siang lo tuk i, Argentina ramah cun police le amah sianglo tu a fans hna karlak ah an buai phah.

A ruak chiahnak pawngah mipi tampi an i pum hna i, sianglo thluahmah in an tah hna i, an ui taktak ti a lang. Mah lio ahcun a ruak pawngah a ummi hna le amah mangtha ti a timmi hna cheukhat cu Police nih rubber bullet in an kah hna tiin Reuters nih cun a tarlangh.

Cu tiin biatak tein an buai lio ah cun inn chung lei zongah an rak buai len ve fawn. A ruak tawlreltu minung pathum hna nihcun Diego Maradona ruak cungah hman an rak i thla tiah an theih hna ruangah mah hna pathum cu an rian in an puah beh hna tiah an chim.

Ruak an tawlrel cuahmah lio ah hin mobile phone le thildang hna cu police kutah an chiah i, an dih hnu ah phone cu an lak than i, hman an thlak pi tiah an chim.

Ruak tawlreltu pakhat Diego Molini nihcun Maradona lu ah a kut khatlei chia in khatlei in Thumps-up a pek fawn. Funeral worker 3 hna an hmanthlak cu online lei ah a karh colh i, mipi a thinhung mi hna nih thah in an hrocer hna tiah theih asi. An kong an ceih hna hnu ah manager nih an rianin phuah an sinak kong a phuan beh. Maradona Lawyer Matias Morla zongnih hi hna 3 hi dan ning tein hremnak pek an si lai tiah a chim ve fawn.

Vawleipi nih a philh tilo ding Argentine Football legend Diego Maradona ruak cu chek asi hnu ah Lungphucawl ruangah a thimi asi tiah an fehter i, a nu le pa hna an phumhna nak hmun thlanmual Jardin de Paz ah an phum ve.

 

Leave a Reply

Your email address will not be published. Required fields are marked *