US Sianginn Ah Mino Pakhat A Cawlcangh Ning Cu Tih A Nung Taktak Si, Sianginn Chung Bak Ah A Va Lut I, Siahngakchia A Kah Hna I, Sianghngakchia Minung 18 Le An Saya Pa An Thi

May 24, 2022 zinglei nazi 11:32AM ah mino kum 18 minung a si mi, Salvador cu Texas, Robb Elementary School ah ava luh hnawh hna i biatak tein Sianginn a Kai cuahmah mi Siahngakchia pawl cu a va kah thluahmah ko hna. Meithal pahnih a ken, Cuti cun Siahngakchia mung pa 18 le cawnpiak tu minung pakhat an thi tiah thawngtheih a si.

A tir ahcun minung a thi mi hi minung 14 tiin an tarlangh nain a hnu ah cun, meithal kahnak hliamhma tuar kho loin a thi mi an um. Siahgakchia tampi cu hliamhma faktuk tuar in siizung ah an tuamhlawm cuahmah lio hna. Salvador cu palik pawl nih an kah that. Salvador nih a chuahcam kum 18 birthday ah meithal a cawk, phunglam bantuk in meithal a cawk i online cung ah tarlangh.

Cuti cun Siahngakchia pawl a kah hna hlan ah cun a pi a kah hmasat. Cuti cun a pi cu siizung ah an tuamhlawm cuahmah lio a si. Lampi ah palik pawl he an i kap i palik pakhat nih hliamhma a tuar, cu hnuah tlawnginn chungah ava lut than i Siahngakchia pawl cu a va kah chih rih hna. Lampi i a kah mi hna palik pawl nih cun thawnginn tiang an va dum.

Hi tlawnginn ah Siahngakchia minung 600 hrawng an um. Tlawnginn ṭuanvo neitu nih tuikum chung cu tlawnginn kan khar lai, kumdih i buaih pek ding zong a langtein kan i din ta lai a ti.

May 14, 2022 khalah mirang tlangval kum 18 mi in New York, Buffalo dawr tumpi sungah mi a kap ciamco. A thaisun May 15 ah California, Laguna Woods biakinn sungah meithal keng mi pakhat a lut ih biakinn sungih um pawl cu a kap ciamco. Mi pakhat a kap that ih mi 5 in hliam an tuar.

US ram hi an hruaitu pawl zong an beidong taktak, mipi pawl nih meithal kongkau ah phunglam thar tuah dingin an ngen. Siahngakchia minung pakhat a pa nih, “Tu’ah hin nulepa tampi cu an ṭap cuahmah lio a si. Texas rampi cu tuhi lungthin faktuk le lungre thei tuk in a hrum lio ko e” a ti.

Leave a Reply

Your email address will not be published. Required fields are marked *