Tulio A Lin Sa Ngai Mi ‘Chintube’ Kong Ah A Ngeitu Rosie Bawi Tha Par Nih Evan Tial Lian Thang A Chim Mi Kong He Pehtlai In Fiang Taktak In A Rak Phun Cang A Hman Lai Hi!

Nizan naite ah Evan Tial Lian Thang nih thawngtha a chimnak ah biapehpar ah a chim mi cu” Chintube khi keimah nih ka rak tuahmi a si khih. A hnu ah ka naunu ka pek thanmi a si khih, a tuahtu taktak cu keimah ka si” tiah mipi hmai bak ah a chim. Hikong he pehtlai in mi tampi nih a va mak ve Chintube cu Rosie Bawi Tha Par tuahmi a si tiah kan ruah dih nain tiah Chintube a rak thoktu taktak hi a ho dah a si timi kong ah ai fiang lomi an um ngai .

Cuticun Chintube ngeitu nu Rosie Bawi Tha Par zong mi tampi nih an hal lengmang i tubantuk hin Bawi Tha par nih Chintube ai thokning cu hitihin fiangte in a van chim phuan lawlaw. Hiti chimfian nak a tuah hi Chin mipi caah a herh ngaimi a si. Zeicatiah Chintube cu Chinmi nih kan i ngeihmi kan sunhsak mi asi ve tik ah a tuahtu le a thok tu taktak hi a hodah a si timi cu mipi theihfian a herh tuk vemi a si . Atanglei ah Rosie Bawi Tha Par nih a chim fian nak cu hitihin kan van langhter.

“Ka ngakchiat lio te in video zeih le script tial ka rak huam tuk. Ka Nu le Pa nih ka huam tuk mi kha an theih I camcorder fa te an rak ka cawk piak. Cucun ka nau le ka hawi le tbt acting ka tuah ter hna le video ka zeih tawn hna. 2010- Ka hawi le ka chung le nih ”na tuahmi thil pawl hi pahrang na ngei, YouTube channel I tuah law a tha lai” a kan ti. 2013- Ngamh lo bu tein “ ok, ka thawk cang ko ne lai” ka ti, zeitin dah a min ka bunh lai ti kha sau ngai kan rau.

Ka Nau Crosspar Mawi he min tampi kan vun ser I top 3 kan vun chuahpi cucu ChinTube timi min ai tel.Inn chungkhar thlacamnak ah Ka Nu le Pa ka chimh hna I Ka Nu nih ChinTube kha a uar kho tuk. ChinTube kha a tha tuk, mah khan saa a ka ti cun ka nau nih midang nih an hman cang sual hnga maw tiah research a tuah, an hman lo caah kan lung tling I Pathian sinah apnak kan ngei.2015 -Liberty University ka kai lio ah “ChinTube” ti min bunh in YouTube channel cu ka vun ser. First video ka vun chuah. Camera tha ka ngei lo I U Mawng nih a camera thar te kum 2 chung a ka hlanh .

Thazaang a ka pe pengtu ka Uu asi. Cun U Van Styn nih a camera kum 3 chung a ka hlanh rih. 2018- Kan miphun chungah hla thatha an chuak I acknowledgement tuah kho usih law a tha tuk hnga ka rak ti. Media pahnih ah online ah award an peknak kha ka rak hmuh pah nain content base award i pek kha ka hmu lo. Tahchunak “song of the year” music video of the year” “album of the year” kha a rak um lo .Honey Khuaitizu le Artist pawl he bia kan rak I ruah hna le “content base in award I peknak khi um kho selaw tha tuk hnga” ka rak ti cun amah nih “nangmah tuah ca” a ka ti le ka lau tuk.

2019 – (Tawi fiannak in) A voikhatnak kha online in kan tuah I kan tuah vevek ahcun category pathum lawng cu ai laklawh ka ti I “Artist” le a dang dang kan vun chap2020 January – Ka Nu nih online lawng in cun na tuah, ceremony lawlaw in na tuah ah a tha cu a rak ka ti I “a ngan tuk, ka ngamh lo” ka rak ti.Thla 4 liam hnu ah U Vanceuuk he family barbecue kan kal pah in motor chungah “Ziah online lawng cu, ceremony na tuah lo” a rak ka ti. “Ka ngamh lo nain nangmah he kan tuah ahcun ka ngamh ko hnga” ka rak ti.December 2020 ceremony cu kan vun thawk. A voikhatnak bik Chin nih tuah mi award ceremony asi caah kan lungrethei pah nain team maak tuk mi (Host: Jay Susan Red Carpet: Bawi Tin Lylypar Backstage Beth ,Stella ,Zaitin , CEBC Media Team an thazaang an chuah cio nak thawngin kan hlawh a tling.

2022- December 10 Aizawl ah PCA tuah dingin kan I tim. Theitlai tha tampi chuah khawhnak dingah nun apnak le thlacamnak kan ngei peng. Pathian nih a kan zaangfah I kan thlacamnak a kan leh.Show hlan pi ah group song “we are the world” sak dingah organizing committee kan lung a tling.Kai ngeih tuk , a ruang cu a satu he a hla he a poh bak lai ti ruahchannak ka rak ngei nain rehersal caan tha tein kan ngei lo caah I timh ning in tlam a tling lo. Mah group song performance kai lung si lonak kong kha U Cz Ralte (event coordinator) ka chimh le amah nih a poi lo a đang tha tein kan tuah than ko lai, phang hlah a ka ti.

“Kan tuah kho than te hnga maw, zarh 2 lawng Aizawl um ding ka si càng I “ ka ti. U CZ nih “phang hlah ka rak tawlrel lai” a ka ti cun kan bia kha a dong.December 20: Lai tlang lei ka tlawn chung ah U CZ , Ka Nu le U Dadeo Cer kha Aizawl ah meeting an rak tuah. “Chinlung Chuak Artist” timi group ser dingah bia an rak khiah. Cucu first project ah “we are the world” kha tha tein I zeih than dingah an lung tling. Phone in a kan chonh le thawng a kan thanh (Victoria camp ka um lio asi caah line a tha lo)Aizawl ka vun phanh in kan I meeting colh le arrangements le Artist min list kan vun tuah colh.

Kei kha US kir cang ding ka si nain U Cer nih “na taang rih a hau ko eh, a biapi tuk mi project asi hih ” a ka ti caah Korea le Japan kal ding kha kai let i ka taang. Cun Zoramchanni, U Thawngbawi le Réma he kan I meeting than.2023- Kei US ka kir I US/ New Zealand Artist ka tawlrel hna cun anmah nih Aizawl airtist.February 1st ah kan chuah khawh ahcun a tha tuk hnga ka ti I thlakhat lawng cawlcanghnak caan kan ngei(next project cu deadline I pek ti lo ding )Pathian lam hruainak thawngin kan ram le miphun kong international news sinah a phan.Pathian thawngin asi cun Pathian nih the right people at the right time a kan fonhnak thawngin asi fawn.

Kan ngakchiat lio media a rak laar hlan thazaang a rak ka pe peng tu ka hawi le ka Khrihfabuu CBMC thawng zong in asi, Pathian nih thlacam a thawng tuk mi physical/spiritual father (Sailopa ) a ka peknak thawngzong asi, I a tha bik ka si khawhnak dingah push pengtu, dirhkamh pengtu manager mom (Sailonu ) a ka pek thawng in asi fawn. A herhnak paoh ah a ka bawm pengtu unau a ka peknak thawngin asi.Ka ngakchiat lio in a tu tiang ka rak tonmi minung vialte fim a rak ka chim tu, thithruaitu , dirhkamhtu vialte an product ka si ko.Kei cu Pathian caah vessel lawng ka si ko.

Ka dam chung paoh cu Pathian ca le ram le miphun caah nun a rak I ap cangmi ka si.A bik in Pathian ram caah(nain Pathian dawtnak a thei mi nih cun ram le miphun dawtnak zong a ngeih hrim a hau-ai tlai dih)Ka kalnak tete ah ChinTube le We Are The World ai thawk ning tbt a kan hal tawn I hika hin ka vun tial lawlaw Tha zaang petu vialte cungah kan I lawm tuk. Sunparnak vialte Pathian nih co dih seh “Amah” “anih” tuah mi si loin Pathian tuah mi lawngte asi ko. Crd#

Rosie Bawitha Par : Tu lio hrawng news ah kan tafar in kan laar tuk rua Saya Lian hi ka Sunday school senior teacher a rak si. Pathian nih amah a hmannak thawng in Sunday school teacher biatak tein ka rak I peknak asi fawn. Evangelist a vaak hlan- kum 15-17 ka rak si lio Pathian rian kan rak ttuantti fawn.

Thawng tha a chim lio video mi nih a kan kuat le ChinTube kong a chimmi kha ka lau tuk so amah (Saya Lian) ka chonh colh. Big Misunderstanding a rak um caah asi. Laica tial hi kai harh pah caah tling deuh in Wednesday zaan ah Global Chinland Club Tlangau ah ka chim te lai.

ChinTube a rak I thawk ning le “We are the world” a rak I sersiam ning hi khual ka tlawnnak ah an rak ka hal tawn peng caah ka Facebook ah tawi fiang tein ka post lawlaw. Mah kha U Lian ka rak tihnawh mi zong asi lo. A timing(caan) ruangah a ruah sual mi nan um pah rua. Ka Nu le Pa nih mi va ti hnawh, va sawh tbt thinlung put ngeih dingin an rak ka tthithruai(raised) lo.
Zungzal a hmun dingmi thil kong tu ah buai usih.

Life is too short for nonsense. Let’s live for the calling of eternity God bless you all Thank you everyone for your support for ChinTube. Chinlung Chuak Artist Project 2 is on the way Mathai 5:9 Mi le mi kar ah remnak a sertu cu lunglawm mi nan va si dah. Pathian nih “Ka fa” an ti hna lai. Credit Rosie Bawitha Par