Thinlung Darbang A Kuai, Kapa Nih Nai Te Ah An Kan Liamtak Kan Mitthli Hmanh A Hul Hlan Ah Kadawt Mi Kanu Cung Ah Kan Chin Ralkap Nih Hithil An Tuah Mi Cu Ka Thinlung A Kuai Tuk E

CNA ralkap bawi pakhat zu ri nih ai ken mi a meithal cu a duh ning poh in a puah chih len caah Thipcang khuami Pi Ca Tial a hnur chih sual, tiah ‘Cung San Opa’ Facebook i post mi chirhchan in thawng theih a si. Cung San Opa nih cun hiti hin a chim. “Tui zing 8:30 am ah Pi Ca Tial( Thip Cang) khuami cu zaute i thil a suk cuahmah lio pi ah (CNA/F)ral bawipa nih cun a keh lei kut ah a kah chih sual ti a si.

An ti than nak tipung pahnih zong rawk viar in a kah chih fawn rih. Hi CNA/F ralbawipa hi nizan in zu a ri cang mi a si i curuang ah cun a mah i a kuttang a mah a zultu a nau le pawl zong fak ngai in a vuak hna ti a si. Mipi humhimtu ding bak a si mi le mipi a veng tu ding a si mi minung pakhat nih hiti bantuk i a cawlcangh mi le mi a kah mi hna hi cu a poi taktak tipin cun chim ding bak a um loh.

Mi zei bantuk ralkap an si zongah a si khawh ko ah cun mipi he i neihniam tuk hi a tha bak lo mi a si” tiin. Hi bantuk in i kahdoh nak a chuah bak in CNDF lei cu biatak tein an van cawlcang colh i tuzing nazi 9:30 ah hi CNA captain cu an va tleih i hri in an tem colh ti a si.

May be an image of 1 person

CNA upa lei nih cun CNDF sinah zangfah an hal hna i ‘Captain le a si fawn i kanmah kut ah ap ko uh, kanmah nih fakpin kan hrem lai’ tiah an hal hna. An hal bak hna cun CNDF lei zong nih CNA kut ah an hlan colh i tu-ahcun CNA Camp i an thawnginn ah thawngthlak a si. Cun, CNA upa pawl nih cun Thipcang ra in nheihthiam hal an timh hna, tiah theih a si fawn. Pi Ca Tial i fapa Salai Maung nih cun a ngeihchiat nak kong cu hitin a tial.

THINLUNG DAR BANG A KUAI Ka Pa nih an kan thihtak nak hi kumkhat hmanh a tling rih loh, kan mithli hman a hul hlan ah hi bantuk in kanu cung ah thil a tlung mi hi cu ka lungthin hi a va fak htinghran dah e.

No description available.

Ni 3.10.2021 (8:30 a.m) i kan Thipcang khua i thil a cang mi nih cun kan khuachung i a um i khua a sa mu hngakchia bik in upa bik tiang thinphang le lungre thei vansang in an kan chiah dih pinah khuadang a um mi kan khua milesa vialte ngeihchia le vansang au in an kan chiah dih ko e tuarthiam cu a har hringhran ko.

Kan kawl ralkap pawl ruangah zeitik ah dah kan khua hi kan chuahtak te lai tiah zan it lo le rawl ei loi kan lungre a theih lio can ah, kanmah an kan veng tu ding ah kan ruah mi hna kan Chin ralkap pawl nih hi bantuk in sualnak a nei lo mi cung i an van cawlcangh ko mi hi cu kan theithiam kho hrim loh e.

A hleice in a ka htingtu kanu bak ka dawt tuk mi an ka hliam piak mi hi cu ka thinlung a fak tuk hringhran ko e. Pathian nih ngaithiam hram ko seh law tiah thlaza ka campiak.

Leave a Reply

Your email address will not be published. Required fields are marked *