Thi a Ngei lio mi Kum 12 Nu Hngakchia a Tlaihhrem tu pa cu an Phomh – Live bak in an Thlah rih (VIDEO)

Thailand ram ah nu hngakchia, kum 12 lawng a ri rih mi nu te cu minung pakhat nih tlaihhrem a tim. Cu tlaihhrem a tim tu pa cu hngakchia nu te i a chungkhat pawl nih an va kawl i police sin i an up hlan ah an va hrem ta. Cu an hrem nak zong cu mipi vialte nih hmu kho ve hna seh tiin live bak in video an thlah rih fawn.

Hi tlaihhrem a tim tu pa hi “Chia Lan Pu” ti a si i kum 37 tluk in a upa cang mi a si. Kan hnu thla January 31 ah khan kum 12 lawng a rih mi nu te cu tlaihhrem a rak timh caah cu kong he pehtlai in a tuhi police nih an tlaih i a case an kal pi cuahmah lio asi.

Police sin i a phak hlan ah hin tlaihhrem atimh mi hngakchia nu te i a chungkhat pawl nih lamkam i bus a hngah lio ah cun an va kal hnawh i lung diriam ngai in an va tuaitam ta. Bia an hal i mi vialte nih a mui hi fiang tein zoh kho ve hna seh tiin live bak in video an thlah chih fawn. Tlaihhrem lei kong he pehtlai in live thlah piak cu a mualpho ning a fak taktak tinak a si.

Hi pa nih hin ‘hngakchia nu hi tlaihhrem cu ka timh ko tiin a sualnak cu i pheh lo tein a cohlan ko nain a tlaihhrem cu ka tleihhrem bak loh tiin a chim ve’ A timh lawng kai tim i a tlaihhrem taktak cu ka tlaihhrem loh a ti.

Hi pa nih hin hi ti hin a chim ‘ Hi hngakchia nu te hi amah te lawng sianginn kai dingin a kal lio cu ka hmuh i keimah nih kan thlah lai ka ti i ka kalpi. Asinain sianginn ah kal pi lo in airport pawng lei a rem nak hmun ah ka kal pi tiin a chim. Hi ti i hmundang ah a va kalpi hnu ah hin sualpi dingin a zitmuai i a duh ning in a cawlcangh pi. Sihmanh seh law sualpi taktak dingin a bawngbi chungnawh ka phoih hnik bak ah khin a thi a rat cu ka hmuh tik ah ka sualpi than loh i sianginn ah ka kal pi than tiin a thil tuah mi cu fiang tein a chim.