Thet Thet Moe Oo Bantuk Cun Duhpoah In Ralkap nih Nupi Ah Rak Kan Tuah Kho Cio Sehlaw Thongthlak Le Tlaihkhih Kan Tong Cio Hnga Lo

Kawlram lengcamthiam minthang a simi “Mintami Thet Thet Moe Oo” nih nizan naite ah Live a thlah i a tanglei comment ah zohdawhlo ngai a simi bia in comment an pekmi cu kawlram social media cahmai ah an phozar ciammam i “Thet Thet Moe Oo” zong a mithmai a bi ngai i soisel nak zong a hlan in tam chinchin a tong tiah theih a si .

Beautiful Myanmar: Old Myanmar Actress, Htet Htet Moe Oo

Thet Thet Moe Oo hi ralkap nih uknak an lak kaa in a tutiang mipi lei ah ai tel duh baklo mi le CDM zong a tuah duh bak lomi a si . Cucaah Live in thil a zuar zong ah a hohmanh nih a thil an caw ti lo i soiselnak lawngte nih a hnu a zulh cang. Nizan naite i live a thlahnak i comment an pekmi ningzak le mualpho ngai a si mi pakhat cu mipi nih hmuh dih cio a si cang.

Celebrity Family: Htet Htet Moe Oo's family - All Things Myanmar Burmese

“Thet Thet Moe Oo ” bantuk in ralkap pawl duhning in um piak i an nupi hna tuanpah ah cun ralkap tlaih khih cu ton cu a um reng lai hme maw? Min tami”Engdra Kyaw Zin”te hna cu a diklo mi raltha tein an doh ruang ah chungkhar he hmunkhat hmanh ah um kho ti lo in thonginn chung ah khumh an si . Thet Thet Moe Oo bantuk in ralkap bawi pawl chuncaw ah i tuah cio usih law tlaih le khih le thah zong kan tong cio hnga lo” timi biafak taktak in a live tang ah cun comment an pek .

The turth about Htet Htet Moe Oo and Journalist Aye Thu San – II - All Things Myanmar Burmese

Cu comment cu mikip nih share cio a si i ram pumpi a cul colh.Thet Thet Moe Oo hi a tutiang a him i ralkap he neihniam ngai in khua a sa zungzal timi cu mipi theih a si i comment an pek ning bantuk in ralkpa chuncaw ah ai tuah maw timi belte cu a chungril taktak a theitu an um lem rih lo. Asi nain tubantuk in mipi lei hmurka a hung chuah tik ah ralkap kut in a luat peng nak le a tu dirhmun ah hnangam tuk in a um khawh peng nak a ruang hi mah hi a rak si taktak ko lai hi ta timi ruahnak cu mipi thinlung ah hmunhma a la ngaingai tu a hung sicolh ve .