The End of Endless Love A Lar Taktak, Chinese Box Office Ah No. 1 A Si

Coronavirus ruangah Hollywood lei cawlcanghnak ah chawva a tumchuk tuk lio pi ah entertainment industry lianbik a changtu China lei ahcun duhsah tein that lei a panh cuahmah ve cang i, naite zarh dongh ah khan The End of Endless Love nih China ah cinema hall ticket an zuarnak in dollar million 22.6 an hmuh i, Chinese box office ah number 1 a si.

The End of Endless Love hi planet dang in vawlei ah a rak ra mi tlangval pakhat kong chirhchan in an can m asi i, cu tlangval nihcun superpower a nei i, a aw hmangin midang hna cu nuam le lawm taktak in a um ter khawh hna i, internet celebrity pakhat autism nei mi he an i duh ning cang ti bantuk tarlangh nak asi.

Soul Snatcher zong a cawlcangh a tha ngaingai i, dollar million 19.5 a hmuh khawh i, box office No. 2 asi. Hi film ah hin mifim taktak pakhat le sihal a muisam aithleng kho mi ttangtti in thlarau sual an dohning ti bantuk hna cu tarlangh asi.

Thawngpang dang: Putin National Guards lak ah muidawh le pumrua tha taktak, a muidawh le a pumrua that ruangah minih an theih mi le a lar taktak mi Ms Khramtsova cu a rianin phuah asi i, cu tiin an phuahnak a ruang cu Putin National Guards chungah thil biapi cheukhat hna cu video in a phozar ruangah asi tiin an chim nain national guard chung ah a um vemi mi cheukhat nih an hnahchuah ruangah asi deuh tiah a chim mi zong an rak um ve fawn.

Ms Khramtsova hi Russia Female military Beauty contest zongah cungnung bik sinak lukhuh tiang a rak co cang mi asi i, hi laksawng a lak ruangah hin National guards ah a riantuan pi hawi pa tampi nih lawmhpinak an tuah lio ah national guard nu hna tu nihcun Ms Khramtsova hi lawmhpi nak zong an tuah duh loh tiin Khramtsova nih hin a chim. Putin National Guards chungril ah thil biapi hna video in a phozar ruangah phuah mi asi tiah chim a si nain National guards beauty queen nihcun i hnahchuahnak ruangah ban a si deuh nak kong a chim ve.

Putin National gurad hna hi ramri hlei ah meithal khamnak kongah le cozah hmun biapi le cozah hmanrua biapi a kilveng tu ding ah dirhmi an si. Khramtsova nih hin a muidawh le pumrua thatnak cu a rian sunghnak bik asi tiah a ruat mi tampi an um.

 

Leave a Reply

Your email address will not be published. Required fields are marked *