Temple Hmunthiang Ah Model nu le A Tlangval pa Cawlcangh nak Video nih Vawleipi A Cul i Mi Thin A Phawh Cio Hna (+Video)

‘Fitspo’ Model Sabina Dolezalova le a tlangval pa Zhedek Slouka cu ti thiang hlim hmangin an i tuai i a nungal nu a taw tawk hrawng ti in a theh nak viadeo cu instagram ah an pho langh i mi tampi nih an soisel ngai hna . Hi hna nupa hi Czech Republic in a ra mi an si i Bali Senator Dr. Arya Weda karna zong nih an video zoh dawh lo ngai cu fak ngai in a soisel hna . Hi clip hi Beji Temple Monkey Forest hmun lar tak pawng i siam mi kha a si.

Dr. Arya Wedakarna nih cun hi hna pahnih nih hin a thianghlim mi Temple cu zah lo ngai in an cawlcang a ti i a hmu tu social media hmang tu pawl zong nih hi bantuk ti thliang hlim hna cu zoh dawh lo in an i capo nak men ding a si lo tiah an soisel ngai ve hna . Balinese le Hindu a si lo mi hmanh nih an cawlcangh ning cu an thin hung cio i Indonesia ram mipi tiang an thin hung tiah Indonesia nu pakhat nih cun a chim ve.

Tourist ve sawhsawh nih tu bantuk in Bali ramzahlo tuk in an um hnawh mi hi cu soisel tu tam taktak an um .mah biak nak a si lo zong ah midang biak nak caah biapi ah an chiah mi thianghlim tiah an ruah mi cu khawika hmun hmanh ah nehsawh le capo bantuk in ti piak lo ah a tha . Biak nak ruang ah mi nun nak tiang a liam i a biak nak a humhim mi caah cun a biak nak a nehsawh mi cu thah mei an ngamh hna.

Hi hna pahnih an cawl canghning a hmu tu poah an thin hung i an ca zong ah thil tha longai a si .Temple ti thiang hlim zah lo ngai in an i capo nak video a tang ah a um lai . Minung hi kanmah biaknak a silo zong ah biaknak dang i zahpiak le i upat piak hi minung phung a si i mi puitling lungput zong a si fawn.

Leave a Reply

Your email address will not be published. Required fields are marked *