RIP: Pu Bu Thang Te Inn A Kang I A Mah Le Atu Le Pa 2 He Minung 3 An Thi

Chinram, Kanpetlet Peng, Khuailungta khua i a um mi Pu Bu Thang te inn a kang i an thilri vialte zong pakhat hmanh la manh loin a kangh chih dih tiah thawng kan theih.

August 9, 2021 zan nazi 2:30 hrawng, an ih hnu an mitkuh thawt saling ah a kang mi a si i Pu Bu Thang le a tule 2 cu an inn kang mi mei nih faktuk in a kangh chih hna i an nunnak a liam. Zeitin dah mei hi a rat i hi bantuk innkanghnak hi an ton timi cu an thei rih loh.

Kanpetlet Peng i Red Cross pawlkomh pawl nih an kaltak mi chungkhar pawl sinah facang tunkhat blankets 4, ruah donak muka kor 5, ha thuahsi hathuahfung le chawva Ks.100,000 pawl bawmhnak an va pe hna tiah thawng kan theih.

Relchap: Mipi Nih An Ka Theih Sual Lai Tiah Ralkap Uniform Hruk Loin Khua Ah A Va Tlung Cu An Rak Thah Thiamthiam

Yangon ramthen, Kha Yan khuapi ah tipikam zohkhenh tu Captain Myo Min Oo cu an kahthat, tiah thawng theih a si. Captain Myo Min Oo hi ralkap uniform hruk loin a vak chuak i an kahthatmi a si ruangah SAC ralhrang lei nih cun ralkap pawl uniform hruk loin a hohmanh vak chuak hlah uh tiah nawl zong an chuah phah.

'Mipi in in theithiam hlah seh' tiin ralkap uniform hruh loin khua ah a tlung ih an rak kahthah thotho - IHBURLEN

Yangon ramthen, Kha Yan khuapi, Kin Mon Chyo khua in captain Myo Min Oo cu August 7, zanlei nazi 4 hrawngah cun Ung Pyin khua a kal pah i lampi ah an thuat cianmam i vawithum bak an kah i an nolh chih ruang ah a hmun ah a nunnak a liam colh. Captain Myo Min Oo nih hin ralkap uniform ai hruk loh, tiah theih a si. Hi ruangah hin ralhrang lei nih cun a tanglei bantuk in nawlchuah nak an nei ve.

'Mipi in in theithiam hlah seh' tiin ralkap uniform hruh loin khua ah a tlung ih an rak kahthah thotho - IHBURLEN

“Ralkap uniform i hruk lo bu i nan inn i nan va tlun ta duh a si zong ah hawikom pakhat khat tal i hruk uh tiah an ti hna. Cun Meithal zong cunglei nawlnei tu sinah chim uh law nan i ken ko lai. Nanmah te lawng kal hrimhrim hlah uh” tiah captain Myo Min Oo i chungkhat lei minung pakhat nih cun ralkap nih nawl an chuah thar mi cu a chim. August 5 zong ah Kha Yan khuapi i Kama Kalu khua, USDP palai hlun U Win Khaing cu kahthah a si cang.

Leave a Reply

Your email address will not be published. Required fields are marked *