Relnuam Bak Hih : Kha Hotel Ah Khan Zeitik Hmanh Ah Ka Riak Ngam Ti Lai Lo

Malaysia tlangval kum 28 mi nih a thilton mi a si.Klang Factory pakhat ah Sii ai lei tuah tu ka si.2016 kum ah Johor Bahru ah training kai dingin ka hawi le 2 he kan va kal.Sunivun in training kan kai hnuah zaanlei nazi 6 ah kan riahnak ding hotel ah kan va kal.Hotel cu a cangkang tukmi a si lo i a hotel zong a sau ngai cangmi khi a lo.Kan tha baat tuk caah kan it colh i itkhun pahnih lawng a um i kei le ka hawipa tu cu itkhun pakhat ah kan it ti.ka hawi pa pakhat cu a mah tein ekinn pawng itkhun ah a it.

Kan kee leiah thlalang ngan nawnmi pakhat a um i kan i hmu kho.Kan bat deuh he kan it colh hna.Zaan lai ah ruah lo piin in kan van i thang thut i kan room chung cu boruak a rit tuk colh. Thil tha lo khi um sehlaw cu bantukin ka theih.Ka hawi pa cu ka van zoh i a pawngah nu pakhat a dir ziar i a hawi pa a rak zoh peng ko cu ka hmuh.Cu nu cu a sang ngaimi le a der pahmi a si i a sam cu i tuai nawn in an um.Cawl cang lo tein ka hawi pa ai hngilh liomi cu a rak zoh peng.ka tih tuk caah ka zoh ngam ti lo i puan in ka lu kai khuh.

Sau nawn kai khuh i ka tih tuk caah a hngilh zong kai hngilh kho lo i a hnuah ka van zoh than cu a rak um ti lo.Nazi ka zoh i zinglei nazi 3 bak a rak si.Cu vial ah kan kee lei i a um mi thlalang cu ka van hmuh sual i cu nu pakhat ka hmuhmi nih cun ka lu cung in keimah tu a rak ka zoh peng ti ka hmuh hi cu ka lau tuk hringhran.Thlacam kai tim nain ka cam kho lo i ka mit tu kai chinh peng.

Ka hawi le pahnih cu ka van zoh hna i an mitkuh thaw taktak.Room chungah ka um ngam ti lo i ka phone le ka hnipuan kai lai i hotel hnulei ah ka va tum i lobby ah ka va it. Zinglei nazi 6:30 ah kan riahnak room chungah cun ka va kai than i zeithil hmanh a cang lomi bantuk tein ka hawi le sinah cun ka um i training kai dingin cun kan kal hna.Sinain kei tu cu kan riahnak hotel room chung tuah cun ka riak ngam ti lo.

Leave a Reply

Your email address will not be published. Required fields are marked *