Rel Phu-Kan Lai Nungak Pakhat Nih A Tlangval Kong He Hi Ti Hin Fiang Tak In A Chim

Tulio thangthat mino pawl nih ruah sasai lo in thil rak tuah sual mi hi hmailei kan nunnak tiang ah fahnak le harsat nak an kan petu thil ah an rak cang kho tawn. Chikhat chung canrau lo te i nuamh nak caah, zei khuahmanh ruat loin a tu nuamhnak a si khawh poh cu a za ko ti ruahnak in thil kan rak tuah sual tawn. A dongh nak ah cun kan mitthli tlak nak ah an rak cang tawn. Hi ca hi Mino tampi nih rak rel cio hrimhrim uh siaherh nak tampi he karak langh ter mi a si. A tang lei ah hin zohti hna uh sih.

Nungak tlangval silio ah Darling rak neih i nuam tein nun le khuasak hi minung tampi nih kan rak uar ngai mi a si. A nuamh zong a nuam ngai mi thil a si. Sihmanh seh law nungak tlangval nih kan theih ding hrimhrim i a herh mi cu thitumh nak puai tuah hlan ah, nulepa duhpoh i khuasak hi cu kan hrial hrimhrim ding mi thil biapi taktak a rak si. Kan vawlei pihi fimthiam nak a sang i sii phunphun a um tik minih an kan thei lem lo tiin naupawi lo nak si a um ko tiin hnangam ngai in khua kan sa hna.

Hihi nungak nu pakhat nih a mah bak nih a ton mi thil a si i keimah bantuk in harsat nak hi an tong ve sual lai tiah mini siaherh nak taktak he a facebook ah fiang tein a van langh ter mi a si. Hi nungak nu hi darling a nei i a darling pa he cun kum 7 chung hmunkhat ah an um ti i naupawi khawh lo nak sii kha a ding i thilumh nak puai tuah lo buin naupawi lo nak si kha a ding i nuamhnak an rak hmang. Thitumh nak puai a tuah lo mi an si tik ah naupawi kho ding kha a si khawh lo caah sii cu a rak ding peng. Cuti cun nuam tein can cu an rak hmang.

Sihmanhsehlaw, hiti i nuam tuk in can an rak hman mi thil cu a zungzal in a mitthli tlak nak tu ah a rak cang diam ai. A tlangval pa he cun hmunkhat tein nuamtak in can an rak hman lio ah cun, ruahlo tuk in taksa dam lo nak nih a cung ah a tlunh tik ah sizung ah a vai i piah i Doctor te nih a kong an van chimh cu zeihmanh ah a ruah lo mi thil a rak tuah mi nih khan zungzal mitthli tlak nak a phurh tu ah a rak si.

Doctor pa nih nungak nu cu zeitik hmanh ah fanei kho ding na si ti loh tiah a van ti tik ah a tlangval pa nih a theih tik ah kum 7 chung duhpoh i a rak tuah mi a nungak nu cu a kaltak colh. Cutik ah nungak nu nih zeihhmah ah a poi loh tiin a rak din mi siruang ah khan a nunchung mitthli tlak tertu ah a cang. Cucaah chikhat nuamhnak ca i khua fakpi ruat ta loin kan tuah mi thil nih hin zungzal kan ngeihchiat ah an kan pe tu ah a rak cang tawn. Cucaah hi bantuk si hi cu nu poh nih cun rak ding hrimhrim hlah uh siaherh nak nganpi he.

Leave a Reply

Your email address will not be published. Required fields are marked *