Regional Institute of Medical Sciences (RIMS) Hospital Main Gate Pawngah Bomb A Puak

Manipur khuapi Imphal i Regional Institute of Medical Sciences (RIMS) Hospital gate pawngah cawn nikhat ni ah khan bomb a puak i, minung pahnih nih hliam an tuar tiah theih asi.

Police hna nih an chim ning ahcun cawn nikhat zinglei suimilam 9 hrawng ah khan RIMS hospital main gate pawngah improvised explosive divice (IED) bomb puah asi tiah an chim i, hliam tuar mi hna hi nupa Kongpokpi district mi siizung ah i zohter dingin a kalmi hna an si tiah an chim.

Bomb a puak mi ruangah hin a pawngkam ah aummi Inn le thil dang hrawh mi tu cu a um hraw lo tiah an chim. Deputy Inspector of General of Police Range 1, Themthing Ngashangva nihcun hi thil a cang mi hi poi a tinakkong chim in zei sualnak ngeilo hna fahnak pek in an cawlcangh mi hi cu mi ralchia taktak hna i tuahsernak asi tiah a ti.

Nizan 17 November 2020 tiangah khan cun bomb a puak mi kong he pehtlai in pumpak in siseh, bu zongin siseh ai phuang mi an um rih lo tiah an chim.

Thawngpang dang: Zhang Zhan (37) upa may thla ah khan an rak tlaih. Buainak le i elhnialnak a chuah ter kho tu a phozar ruangah tazacuai asi tiah an tarlangh. China ram ahcun buainak a chuah ter kho tu phozar le tial tu hna cu tlaih an si tawn.

Ms Zhang hi Wuhan virus kong a tial ruangah an tlaihmi lak ah aitel ve mi asi. A kong an tialnak ah a langh ning ahcun  Ms Zhang hi February thla khan Wuhan khuapi ah kal in coronavirus kong tampi a tial. China ram ah NGO the Network of Chinese Human Rights Defeders (CHRD) nih a tarlangh ningcun Ms Zhang nih hin media hna an hren mi hna kong tial in an chung le an thinhunnak kong le cozah cungah an lungawi lo nak kong a tarlangh.

Ms Zhang hi May 14 khan a konglam theih asi tilo tiah CHRD nih an tarlangh. A hnu ahcun police nih an tlaih i, Wuhan in meng 400 a hlatnak Shanghai ah chiah asi tiah theih asi.

June ni 19 ahcun dan bantuk in tlaih asinak kong phuan as ii, September ni 19, thlathum deng hnu ah a lawer he tonkhawhnak nawl an pek hna.

CHRD nih a tarlangh ning ahcun Ms Zhang nihhin an tlaih mi cu duhlonak rawl nuar in a langhter i, September 18 khan a lawyer cu Ms Zhang case an tuah mi kong an theih ter.

Nai cawn nikhat ni ah Ms Zhang kong an tarlangh ningah cun Wuhan virus kong biadik lo text le video hna WeChat, Twitter and YouTube ti bantuk ah a phozar hna ruangah Wuhan virus kongah foreign media hna he interview a neihpi ruangah le biadik lo a phozar ruang ti bantuk ah case tuahpiak asi tiah an tial. Kum 4 silo ah kum 5 maw thong a tla lai tiah an tarlangh fawn.

CHRD nih a tarlangh ningahcun Ms Zhang hi China ram hruaitu hna he tutan ah buainak a ton hi a voikhatnak lawng asi loh. September 2019 zongah khan police hna nih Shanghai ah au in an rak tlaih cang fawn. A ruang cu Hong kong khuapi ah cozah dohkalh tu hna ttanh lei hoih in ca a tial ruangah asi.

Wuhan virus ruangah a tlawmbik ah Chinese thawngzamh tu minung pathum hna cu February thla khan an lang ti loh. April thla khan Li Zehua cu a van lang than i, quarantine ah a um tiin an chim.

A pahnihnak ah Chen Qiushi cu cozah nih an ngiatthlai lio mi asi tiah an tarlangh i, pathumnak ah thawngzamh tu Fang Bin cu a tu tiangin a thawng theih lo in a um. China ram hruaitu hna nih Wuhan virus kong a chim mi hna cu zeihmanh chimrel kho lo in an ka an phih peng hna tiah an chim.

Leave a Reply

Your email address will not be published. Required fields are marked *