Rapper Lil Yase Meithal In Kah A Tong

Rapper Lil Yase, amin tak ah Mark Antonvyo Alexander kum 25 cu San Francisco Bay Area ah zarhte ni ah khan meithal in an kah. Lil Yase hi recording studio in a chuahnak in suimilam pakhat le a cheu hrawng hnu ah an kah hi asi tiah an chim.

Hi rapper hi a hnubik an hmuh nak in a hlatdeuhnak hmun East Bay lei ah a ruak hi hmuh asi ruangah a thihnak ah hin lunghrinh mi a um tiin report a um i, social media lei ah a fan hna nih Thanksgiving nuam le lawm tein hmang cio dingin a cah hnu hna tlawmpal ah an kah hi asi. A thihhlan deh te ah hin Marin County, San Francisco chaklei i recording studio ah a hawile he tonnak zong an nei tiah an chim fawn.

TMZ nih a tarlanghning ahcun Lil Yase nihhin an ram ah zan suimilam 11:30 le 12:00 karlak ah amah te lawngin studio hin a chuak i, studio ah hin kirthan colh ai tim mi asi tiin an chim. A sinain suimilam pakhat le a cheu hrawng hnu ah cun a thihnak thawng hi a vun thang. A ruak an hmuhnak hi studio in suimilam pakhat hrawng motor in kalnak asi tiah an chim.

TMZ nihcun Lil Yase hawile cu hi thihnak nihhin a lauter tuk hna i, Yase nihhin raltu a neih zong an thei lo i, a tu bantuk in a cungah thil a cannak a ruang hi a ruak awk an hngal lo tiin an chim.

 

Leave a Reply

Your email address will not be published. Required fields are marked *