Ram Chung Ah Mi Bantuk Minung An Van Chuah Tawn Mi Hi Cu E A Poi Tak Tak

Shan State, Mong Hsat khua, Mae Suan vengsung ih um mi pa kum 42 mi U Nay Min Oo timi pa nih an in pawng i a um mi nu hngakchia kum 10 te Lawng a si rih mi cu faktuk in a sualpi tiah thawng kan theih.

Vengchung i a um mi minung pakhat nih cun mah hngakchia te i a nu cu nichiar te hi mi riantuan i hlawh ding in a chuak tawn.An mah nufa te Lawng khua a sa mi an si. a nu hi a fanu hrangah nitintein Rian a Tuan tawn mi a si. U Nay Min Oo he hin inpa chakthlang an si hna i ai ngamh Tlak tuk mi an si. Cuti cun a nu Rian a Tuan karlak ah cun a fanu te cu a rak sualpi mi a si tiah a ti.

June 14, 2022 zanlei nazi 3:00 hrawng i thil a cang mi a si. Zanlei nazi 5:00 hrawngah a nu cu inn ah ava tlung ih a fanu te cu arak ṭap tuk hringhran. A serh chungin in thisen tamtuk a chuah caah thil Sining cu a nu nih fiang ten a hal a Fanu nih cun thil Sining vialte cu a chimh dih. Cuti cun a nu nih a rianran nak in tualchung palik pawl sinah theihter nak a va tuah colh ve.

Palik pawl nih cun U Nay Min Oo cu an hawl i an tleih khawh colh ve., a thiltuahmi cu a Thiltuah mi vialte cu ai phuang dih i hngakchia tleihhrem case an orh ter. Tuahmawh a tong mi hngakchia te cu siizung ah an tuamhlawm cuahmah lio a si. Hithil a can ruangaj hin an khuachung nulepa vialte zong an lungre a thei dih. Nulepa vialte nih hngakchia a sualpi mi pa cu fak taktak in hrem ding ah palik pawl sinah an chim ciao.

Kan hnung te zong ah khan pa pahnih nih hngakchia te cu an tleihhrem hnu ah China ram ah zuar an timh, ṭuanvo neitu pawl nih an chanhchuah manh. A tleih hrem tu minung pahnih hna cu kum 20 chung thawngtla dingin an bia an ceihpiak hna.