Ralkap Ralbawi : Hringtu Kanu A Thi Cang Ding Mi Ton An Ka Senh Lo Ruang Ah Hithil Hi Ka Tuah Ve Nak A Si

Senior General Min Aung Hlaing addresses DSA graduation ceremony | Myanmar  Digital News

Ti ralbawi pakhat cu Ralkap nih rampi nawlneih nak an lak hnuah CDM tuah ai tim lengmang ko nain,zam nak ding le kal nak ding lam a theih lo ruangah CDM tuah loin saupi a rak um nain, a nu damlo mi va veh an sianh lo hnu cun a thinlung a thleng thluahmah i CDM tuah in mipi lei ah raltha ngai le thangzang tampi chuah in a tang.

Ti ralbawi nih cun “Ralkap hi ka duhdawt tuk i, ka hngakchiat lio tein ralkap tuan hi ka rak i tim cang. Cu bantuk i timh lamh nak ka rak neih bantuk in ralkap cu ka si taktak nain, rampi nawlneih nak an lakmi cu ka dokalh lawlaw i ,ka pom kho loh. Kei cu ti ralkap dirhmun ah ralkap tuan ka si i, September thla chungah mipi leitang in CDM ka rak tuah.

Damlo Ka Nu Ton In Siang Lo Cu Ralkap In Ka Suak Cih – Ralbawi – Vapual Net

“Ralkap nih rampi nawlneihnak an lak hlan zarh khat ah ralring tein um dingin bia an ka chimh cia nain, nawlneih nak an lak lai timi cu kan zum ban lo lawlaw. Asinan, ralkap nih rampi nawlneih nak an lak cu ka khuaruah a har tuk i, vote dik lo pakhat lawng phuahhlam ah hmangin rampi nawlneih nak cu an lak.

“Nawlneih nak an lak hnuah ralkap cawlcangh dan a rapthlak deuhdeuh i,an cawlcangh ning hi ka zoh sawhsawh kho ti hna loh. CDM tuah kai timh nak hna cu a sau taktak cang nain, zamnak ding hmun hma ka theih lo ruang le chawnh biak ding minung ka rak theih hna lo ruang tu ah a rak si. Khat lei kam ah kanu dam lo a zual tuk lio a rak si i, CDM tuah loin sautuk ka rak um. Asinan, ka nu dam zualtuk cang caah khuanh ka rak hal hna i an ka senh loh. Kan in cu ka riantuan nak in minute 10 tluk kal a si.

Military Cadet Killed During Punishment by Senior

“An ka senh lo pin ah an ka lunghrinh colh i, a thli tein a ka ngiatu ding minung tiang an i chiah rih. Cuti cun a dam lo mi kanu zong a zawt a zual thluahmah i zarhkhat hnu ah kanu nih cun a ka liam tak. Ka nu thlahnak hmun zong ah kakal kho loh i, a lang in ka thlah, Cu thawk bak cun ka thinlung ai dang thluahmah i, CDM tuah dan ning cang lawngte ka buaipi cang. Kanu thlah ding le va zoh nak ding khuanh ka hal mi an ka senh lo hnu le bang ah cun ralkap tuan duh nak thinlung hrimhrim ka nei kho ri loh.

“Ralkap cunglei pawl cu a ho hmanh ka zum ngam ti hna loh. Kannih ralkap tanglei pawl cu minung kan si tihmanh an thei lo i ,minung ah an kan ruat loh. Cutikah CDM tuah dingin chuah nak le zamnak ka kawl i , Peoples Soldiers timi cu online in ka hmuh chuak. Cuti cun, CDM tuah dingin ka chawnh i tu ahcun CDM ka tuah hnuah hmunhim ah ka phan cang” tiah a ti.

Questions As To Who Will Be The New Myanmar Commander-in-Chief? - The  Eastern Link

Peoples Soldiers tim cu ralkap dirhmun in CDM rak tuah mi hmasabik ralbawi Nyi Thukta nih a dirh mi a si i, CDM tuah duh mi pawl theitawk in an bawmh hna, an buaipi hna i lam an kawl pi hna. Cumen siloin CDM tuah cang mi ralkap le palik cu ralkap le palik an si lio i an dirhmun pawl an hal than lengmang hna. Cu lo i an riantuan mi pakhat cu ralkap le palik pawl CDM tuah ding i sawm hi a si.

Leave a Reply

Your email address will not be published. Required fields are marked *