Ralkaap Pakhat nih A Um lo Karlak i A Nupi Biathli thup Vialte A Theih Dih (Rel nuam Kho Taktak Rak Share Ve)

USA ralkap a tuan liomi “Christ” timi pa cu a riantuan nak in dinh caan an pek mi a nupi le fale sin ah caan hmang dingin inn ah a rak tlung . A nupi fale sin ah cun nuam tein kai din ve lai i can ka hmang ve lai tiah lawm ngai in a um lio ah cun cunglei an bawile sin in cakuat a rak phan i a ran nak in an riantuan nak lei ah i thawh colh than ding timi order ca cu a hmuh i a lung rawk taktak . Christ hi a nupi le fale sin ah a rak tlun nak hi zarhkhat te lawng a si rih i thla zeimawzat chung cu dinhcaan a ngeimi a si .

Asinain ruahlo pi in an riantuan nak lei i kir than colh ding timi ca a don cu a khuaruah a har ngai ngai . cakuat chung ah cun Ctrist le a hawile pawl cu thla (5) chung rau in rili cung ah ralkap rian tuan ding tiah aa tial fawn . Christ hi an mah department ah cun an bochan tuk mi a si i , technician pakhat asi tik ah mi biapi ngai pakhat zong a si fawn .Christ le anupi nih hin a rian ruang ah hin harsatnak tampi an ton ve tawn i ralkap nupi si cu a rak fawi hrim lo timi zong a langhter ngaingai ve fawn .

Christ nupi hi a pasal umlo kar ah lungleng ngai in nuhmei bantuk in can saupi a rak hmang ve tawn i a fale an herhmi vialte a tuahpiak hna pin ah innchung rian vialte thaba ngai in a tuan dih tu le a pasal nih pakhatkhat a tong sual lai tiah a hnulei in thlacam nak he a pasal caah a dir vemi cu a si .Asinain a pasal he an van i ton i nuamte in can kan hmang ti lai an ti ve lio ah ruahlo pin a pasal kal colh than ding a ruah ah cun a lung rawk kho tukm ve .

Asinain a pasal cu a rian in ai phuah thai ding a si lo ah cun cunglei an bawile order bantuk cun a rian ah cun kir than colh ding a si cang . Cuticun a nupi le a fale nih cun an dawtmi an pa cu an thlah i lung siaherh bu te cun a rian tuan nak lei ah an pa cu ai thawh .Christ hi an department ah cun technician a si bantuk in a rian a tam ngai i an lawng cung ah cun signal a um maw a tlau maw timi le a herhmi dang vialte buaipi cun chun ni a tla zungzal , asinain a thinlung cu innlei i a nupi le fale sin ah a um zungzal ve .

Christ nupi hi pasal le fa ngei a si ko nain a pasal hi ralkap a si ve tik ah duhning bantuk in an um tti kho lo i a can tete lawng ah ai hmu tongmi an si tik ah a mah lawng a pasal umlo kar ah lungleng ngai in can a hman can hi a tlawm ve ti lo .Christ nupi hi a min ah “Natasa” ti a si i muidawh duhnung ngai a si . A pasal kal hnu lebang cun Natasa cu a umtu dan ai dang ngai ngai i a fapa upa deuh lebang nih cun a nu um dan a zoh cun thil a sining a theihthiam i a pa sin tu ah cun chim rih lo ding thup rih a hau timi fiang tein a theih ve .

A fale pathum nih cun a nu sining cu an theih dih cang tik ah , Natasa le Christ an i chawnh can ah hin a fale lak i hngakchia bik pa nih hin a nu nih a pa sin ah chim lo bak ding a ti mi hi lungfim rihlo a si caah ruahlo pin a pa sin ah a chim sual la timi cu Natasa nih aphan bik mi a si .Natasa nih a pasal a rian ah a um lio i a biathli thup hi zeiko dah a si hnga i a pasal nih a theih ve sual lai hi a phan tuk nak a si hnga timi cu ruah awk ngaingai a si ve .

Natasa le a pasal Christ hi an voikhat i hmuhnak bak in ai duhmi an si i , an karlak ah zeithil hmanh thup lo tein ai chim pengmi an si tik ah Natasa cu a thinphang i a um nuam kho ti lo .A pasal lak ah a thilthup mi hi mi pakhat khat sin hna in a pasal nih rak thei seh law an karlak ah thil a thup mi ruang ah hin an chungkhar a rawknak tiang hna a chuak sual hnga maw timi a phang .Khatlei ah tha tein chim ning ti law meng tampi i a um mi a pasal cu thinlung buai le lungre thei in a um sual lai a ruah ve tik ah chimh le a ngamh ve fawn lo .

Culak lai ah a pasal te thla 5 chung an rian ah um ding timi cu North Korea he an karlak buainak ruang ah thla 1 an chap than hna i thla 6 chung um ding an si fawn cang . Natasa nih cun a pasal lak i a thilthup mi cu , an pa hi pakhat khat a cung ah tlung seh law keimah le keimah hi kai ngaithiam kho bal lailo timi a ruah tik ah a awlok chong tuk cang . Asinain a sikhawhb chung i a biathli cu a thuh chih peng ve i a donghnak ah cun thla 6 cu a hung liam i a pasal zong cu a rian tuan nak cun a nupi le fale sin ah cun a rak kir ve can a phan cang .

Asinain zei bantuk thawngpang ko nih dah a rak ka don lai timi belte a pasal nih hin a thei bak lo . Acaan cu a phan i innlei i a rak um mi a nupi le fale nih cun an pa cu an rak don i lawng dinh nak hmun ah cun an rak hngah . An pa cu lawng cung in a tum bak ah cun a fale cu an va tli i “ka pa ” tiah an au i an pa cu heh tiah an kup i an hnamh . Ahnu lei ah cun a nupi tu cu dai tein a rak dir ve i banner pakhat tu a rak i ken ve . cu banner ah cun hi ti hin ca a rak tial ” welcome home baby daddy” timi cu a rak i tial .

Christ nih cun zeihmanh a sullam a thei thiam hlei lo , a sinain a nupi kuh dingin a van fuh i kuh a van timh bak cun aww… thil pakhat khat a um timi cu a fiang cang .Asinain zeitik ah hme zeitin hme a si khawh ? timi cu a thinlung ah biahal nak lianbik a si . Banner cu a zoh i a nupi sin ah cun a si taktak maw nai capo maw tiah a hal i a nupi nih cun a T-Shirt hruk mi cu a van hmuhter i ” kei hi ka pa nih a rian ah a kir lai te ah ka nu sin i a thilpek ka si ” timi ca a rak i tial fawn .

Cubak cun Christ cu a lung a hung fiang ve cang i , aww chikhat te dinh can i ka rak tlun karlak te ah khan kan fa pa 4nk cu kan rak pawi a si mu timi a fiang pin ah hi kong hi a nupi le fale nih an pa chim duh rih bak lo in surprice nak ah hman an rak timh caah thla 6 chung an rak thup timi vialte zong cu a hungn fiang thluahmah ve lawlaw cang . An pawngkam i a um mi mit in a rakm hmutu pawl nih cun an rak lomhpi tuk ve hna i , cuti an um lio cu Christ i a hawipa nih video in a rak record dih hna i social media ah a thlah i lomhpi tu zong an tam ngai ngai .

ABC News nih a komh hna nak ah cun Natasa nih cun “kan pa a kal khawh bak zarhkhat nak ah cun ka um dan cu a mak tuk i kai test tik ah ka rak rai diam cang i ka lau taktak . Kan pa chimhlo tein ka thuh pengmi kha a har taktak fawn i ka chimh ko lai tiah le kan pa tu nih keimah tu a ka lunghrinh sual lai ti zong ka phan fawn caah kha lio ka dirhmun kha cu a har taktak ko ” tiah a chim .Thla 9 a rauh hnu ah cun an fa pa 4nk ah fanu duhnung te an ngei i nuam tein an chungkhar le an hawikom zong nih an lomhpi hna .

Leave a Reply

Your email address will not be published. Required fields are marked *