Ralhrang Ralkap A Tanh Tuk Mi A Nupi Cungah A Thil Tuah Cu Fak Tak Tak

Ralhrang ralkap pawl cu sining dih lak le thazang dih lak in a dir pi tu sayamah nu pakhat cu a dawt tuk mi a pasal nih hi ti bantuk in a chungah thil a tuah hi cu, khat lei in vun ruat ahcun lung cu a nuam lo ngai ngai. Asinain chungkhar pakhat ah kan hmuh ning, kan zumh ning, kan duh mi thil le kan tanh mi ai khat lo cang ahcun asi awk zong asi ve ko. Cu caah sayamah nu le a pasal zong hi hnu lei caan ahcun an rak i daw tak tak mi zong an rak si ko lai nain, kan ram boruak nih an chuah pi thil pahnih duh thim nak kong ah chungkhar ah hmuh ning, tanh mi le ruah mi ai phun dang caah hi thil hi a chuak mi asi.

Cu caah ralhrang ralkap nih rampi nawl nei nak Aa-naa an ting ruangah, kan ram chungah buainak lawng te a chuak mi hi chim le phuan lo zong ah kan theih dih mi asi. Cu caah kan ram buainak kong ah chungkhar ah kan hmuh ning, kan ruah ning le kan tanh mi ai khat lo ahcun hi bantuk thil hi kan chungkhar cio ah a cang kho mi thil asi. Cu caah kan ram boruak kong ah kan hmuh ning, kan ruah ning le kan tanh mi thil ai khat hi a rak baipi tak tak mi asi. Citi i, kan hmuh ning, kan ruah ning le kan tanh mi thil ai kalh sual asi ahcun, hi sayamah nu le a pasal nih an tawn mi thil hi kan tong kho cio mi asi.

khah a si ahcun sayamah nu te chungkhar nih zei bantuk har nak dah an tong ti hi zoh ti hna usih. Ralhrang ralkap nih rampi nawl nei nak aa-naa an tiang ruangah Myanmar ram mipi tam deuh nih cun ralkap uk nak duh lonak cu a lam kip in an langhter. Cu ahcun micheu cu an nunnak zong a liam mi tam tak tak an um. Cun micheu cu chungkhar he nuam tein um kho lo in, hmungdang ka dang ah ralhrang ralkap tih ruangah a um mi zong tam tak tam an um mi zong an um. Micheu cu an chungkhar paw cawm nak ca i an tuan mi cozah rian tiang kal tak in ralkap uk nak duh lo nak cu a lam kip in an langher.

Cu lio ah sayamah nu nih cun Aa-naa ting ralhrang ralkap pawl cu a sining dih lak le a thazang dih lak in a rak tanh ve hna ai. A pasal nih le mipi lei tanh in ralhrang ralkap uknak duh lo cu a rak langhter ve. Cu tikah hlan ah a rak i daw tuk mi nupa hna cu, ralhrang ralkap nih rampi nawl nei nak Aa-naa an ting hnu ah, an chungkhar ah hmuh ning ai dang thluahmah cang ai. Cu tikah chungkhar ah, nang an tanh mi, kei kan tanh mi tiin bia i el nak hram a thawk thluahmah cang i, a tongnak ah cun hi bantuk dir hmun an phak hi asi.

Sagaing ram kulh, Kalewa khuapi ah a um mi U Aung Ko Myint nih a nupi Daw Theint Thein Myo cu ralhrang ralkap an ruangah zungzal in an nupi sinak in a hlawt. U Aung Ko Myint i a nupi hi sianginn ah sayamah a tuan mi asi. Daw Theint Thein Myo cu U Aung Ko Myint a nupi a si ti lo nak cu tha tein newspepar ah langhter nak a tuah. A poi tak tak ko ralhrang ralkap nih rampi nawl nei nak Aa-naa an tiang ruang ah chungkhar ah a daw tuk mi nupa hna zong nih than nak ah an hmang cang.