Ralhrang Nih Pitar Kum 62 Minung An Tleihhrem Pin Ah, An Ralbawi Pawl Nih An Tleihhrem Mi Chungkhar Sin Ah An Va Timi Bia Nih Ram Mipi Thinlung A Khenh Tuk

November 7, 2021 ah ralhrang pakhat nih pitar kum 62 minung a si cang mi cu an dum chung ah a tleihhrem. Shan State, Kutkai Township, Namphalon khua i a cang mi thil a si. Mi a tleihhrem tu ralhrang cu Min Min Soe timi a si i Battalion 336 i ralkap rian a ṭuan lio mi a si. November 11 chun ah an pule pawl nih cun thilhman si nak kong cu an lngh ter i, a tleihhrem tu ralkap pa zong cu a aining tein fak tkatka in an hrem nak ding kong zong an phuan chih. Sual nak a tuahtu Min Min Soe cu an tleih cang tiah thawng theih a si.

Tualsung ralkap ṭuanvo neitu pawl nih cun an va leng hna i, “Kan naule pawl hi titsa nei mi le taksa i a nung ve mi le thisen le taksa nei ve an si i n i sum khawh ve bak lo ruang ah hi bantuk hin thil a can nak hi a si tiah ngeihthiam an hal hnu hna ah sii ei ding mi an va pek hna. Cunglei i rian a tuan mi an ralbawi pawl nih an ngeihchiat nak hrawmpi nak ding caah tiin ting 10 an pek nak hna kong cu pitar tuamhlawmtu Daw Lwan Reh nih media pawl sinah a chimh hna.

Daw Lwan Reh nih, “Kan umnak ah pitar pawngsual konglam hi kan rak thei bal loh, aum bal loh. Hi thil hi a phnh taktak ruang ah hin nu a si mi poh cu kan ngeih a chia i kan thazang zong a der i kan lung a fak tuk hringhran, ka pi hi tutiang rawl a ei thiṭha kho rih loh. An velhnak le an vuak nak ah a hmai zong a phing dih, a kaa zong a phing dih i rawl zong a ei thiṭha kho rih loh.

Kan dum chung ah hin a mah te lawng khua a sa i a um zungzal tawn a ho hmanh nih kan umpi kho ve bal loh, a thilton mi rapthlak tuk ruangah hin amahtein aum ngam ti loh. A caan ah le ka ning hi a zak tuk e tiin a ṭap zungzal, ahlan in a damcak lo mi a si i tu’ahcun a thinlung le a taksa zong a buai tuk hringhran. Mithar a hmuh hna asi le a ṭih tuk hna, midang vialte zong hi a tih dih cang hna. A harhdamnak hi kan sia a herh tuk htinghran, ralhrang pawl pawng ah hin a ho hmanh nu pohpoh kan him bak ti loh. Kan hnu zong ah phungyi nu(metila) tleirawlte cu ralhrang pawl nih an rak pawngsual cang e” a ti.

Ralhrang In Pitar Kum 62 Mi A Pawngsual Hnuah An Pule In “Kan Naule Pawl Hi Titsa Nei Ve An Si Ih An Supaw Ve Thei Lo” Tin Ngaithiam An Dil – Meifar

Women’s League (Myanmar) WLB pawlkomh nih kum 70 chung ralhrang pawl nih tlangcung nu pawl an rak pawngsual cang hna, khuachung nu an pawngsual mi hna cu i kah doh nak phunkhat a si. Mah hi pawngsual buai nak cu ramchung ah a cinfeltu ding an um lo ruangah vawlei cung huap boaceih nak zung ah kan phanh pi lai tiah an ti.

Leave a Reply

Your email address will not be published. Required fields are marked *