Poi Tuk E Hngakchia Kum 10 Minung Rul Cuk Nak In A Nunnak A Liam

Mizoram, Saipum khua, Hmarveng i a um mo hngakchia kum 10 minung te lawng a si rih mi Zonunfela cu congor rul nih a cuk nak ah a nunnak a liam tiah thawng kan theih. Tuirial ah a pa le a upa kum 14 mi he nga kawl ding ah an va riak ti a si.

September 29, 2021 zanlei muih hnu nazi 5:30PM hrawngah vokkuang lawng (Lawngleng) in tidin ding valak ding ah an kal hna. Cuti an kal lio ah cun, congor rul nih a va fuh thluahmah hna a va dawi hna. Congor rul cu an hrial nain rul nih cun a zulh thotho hna.

Cuti cun an lawng chungah rul nih cun a va luhhnawh hna i hngakchia kum 10 mi Zonunfela i a ke ah cun a cuk. A cuk khawh bak cun a thawchuah lei a harsa colh i an buai tuk hringhran. An riah nak thlam an va phanh hnu ah cun vawithum hrawng a luak a luak chih len.

Tuirial NEEPCO siizung ah a rianran nak in an tlikpi colh i tur kham nak si (Anti-Venom) an chunh colh nain zeihmanh santleih nak a nei ti loh. An chanhchuah kho ti loh. A ruak cu tuchun September 30, 2021 Chun nazi 12:00 ah Saipum ah an vui lai. (Source: Mizo Special News, Saipum Br.YMA)

Mizoram, Saipum khua, Hmarveng i a um mo hngakchia kum 10 minung te lawng a si rih mi Zonunfela cu congor rul nih a cuk nak ah a nunnak a liam tiah thawng kan theih. Tuirial ah a pa le a upa kum 14 mi he nga kawl ding ah an va riak ti a si.

September 29, 2021 zanlei muih hnu nazi 5:30PM hrawngah vokkuang lawng (Lawngleng) in tidin ding valak ding ah an kal hna. Cuti an kal lio ah cun, congor rul nih a va fuh thluahmah hna a va dawi hna. Congor rul cu an hrial nain rul nih cun a zulh thotho hna.

Cuti cun an lawng chungah rul nih cun a va luhhnawh hna i hngakchia kum 10 mi Zonunfela i a ke ah cun a cuk. A cuk khawh bak cun a thawchuah lei a harsa colh i an buai tuk hringhran. An riah nak thlam an va phanh hnu ah cun vawithum hrawng a luak a luak chih len.

Tuirial NEEPCO siizung ah a rianran nak in an tlikpi colh i tur kham nak si (Anti-Venom) an chunh colh nain zeihmanh santleih nak a nei ti loh. An chanhchuah kho ti loh. A ruak cu tuchun September 30, 2021 Chun nazi 12:00 ah Saipum ah an vui lai. (Source: Mizo Special News, Saipum Br.YMA)

Leave a Reply

Your email address will not be published. Required fields are marked *