Online Chung I A Ca Post Mi Pakhat Te Ruang Bak Ah Naupawi Lio Mi Nutung Ralhrang Nih Faktuk In An Hrem Hnuah Thawng An Thlak

Shan ramkulh thlanglei Aungpan khua i thingthei a zuartu naupawi lio mi nu pakhat cu online i a thil post sawhsawh mi ruang bak ah a mah cu September 15 ah an tleih tiah an chungkhar sinin thawng kan theih. “Shan Ma Lay’ tii an auh mi thingthei tlai a zuar tawntu kum 37 mi Daw Kay Zin Kyaing cu September 15 ah khan SAC ralhrang minung 30 hrawng cu motor 3 khatin an inn ah an ra i an rak tleih tiah a mah a pasal nih fiangte in a chim.

“Ka nupi cu Facebook ah thil pakhatte a post ruang bak ah cun, an rak tleih ko. A ho nih dek an report mi a si ko lai tiah zumhnak ka ngeih.A min taktak hmanh an theih lo buin an rak tleih i ‘Shan Ma Lay’ ti lawng in an kawh thiam,” tiah a pasal nih cun a chim. Dalan pawl nih an report mi a si i a mah hi cu thingthei zuarnak puaizung neitu men men lawng a si.

“Ralthuam thilri ti bantuk, PDF a bawm tu a si ti bantuk sawhsawh cu an puh mi a si i, inn zongah zeihmanh hmuhmi an nei fawn loh. A dongh nak ah Facebook i a ca thlah mi pakhat ruang bak ah cun an tleih mi a si ko. Cunglei nawl pek nak ruang i a rak tlai mi kan si tiah an chim” tiah a pasal nih cun a chim rih.Daw Kay Zin Kyaing hi a paw ah naute thla thum hrawng a pawi i palik sakhan i an khumh lio ah fak tak in an kut zong an thlak. A pasal nih cun, “Zangfahtein ka nupi hi naupawi lio mi a si i rak ka vuak piak hram hlah uh. A hnulei a keng zong faktuk in ka tuk piak hram hlah uh tiah mitthli he ngeihthiam a hal hna.

September 17 ni ahcun Daw Kay Zin Kyaing cu Taung Li Lung thawnginn ah an kuat nain, Covid-19 boruak he ai keih loh tiah palik sakhan ah cun an kirpi than. Biahal ding dang an nei le siko lai tiah a pasal nih cun a chim. A hnipuan pawl cu September 15 ah khan a thar thlenpiak dingin an va lak i a phone belte lak an rak siang loh. SAC ralhrang nih rampi nawlneih nak an lak February 1 in September 17 tiang, ni 229 chungah ram mipi 6591 nak i a tlawm lo an tleih cang hna tiah AAPP nih cun nawl an chuah.

Shan ramkulh thlanglei Aungpan khua i thingthei a zuartu naupawi lio mi nu pakhat cu online i a thil post sawhsawh mi ruang bak ah a mah cu September 15 ah an tleih tiah an chungkhar sinin thawng kan theih. “Shan Ma Lay’ tii an auh mi thingthei tlai a zuar tawntu kum 37 mi Daw Kay Zin Kyaing cu September 15 ah khan SAC ralhrang minung 30 hrawng cu motor 3 khatin an inn ah an ra i an rak tleih tiah a mah a pasal nih fiangte in a chim.

“Ka nupi cu Facebook ah thil pakhatte a post ruang bak ah cun, an rak tleih ko. A ho nih dek an report mi a si ko lai tiah zumhnak ka ngeih.A min taktak hmanh an theih lo buin an rak tleih i ‘Shan Ma Lay’ ti lawng in an kawh thiam,” tiah a pasal nih cun a chim. Dalan pawl nih an report mi a si i a mah hi cu thingthei zuarnak puaizung neitu men men lawng a si.

“Ralthuam thilri ti bantuk, PDF a bawm tu a si ti bantuk sawhsawh cu an puh mi a si i, inn zongah zeihmanh hmuhmi an nei fawn loh. A dongh nak ah Facebook i a ca thlah mi pakhat ruang bak ah cun an tleih mi a si ko. Cunglei nawl pek nak ruang i a rak tlai mi kan si tiah an chim” tiah a pasal nih cun a chim rih.Daw Kay Zin Kyaing hi a paw ah naute thla thum hrawng a pawi i palik sakhan i an khumh lio ah fak tak in an kut zong an thlak. A pasal nih cun, “Zangfahtein ka nupi hi naupawi lio mi a si i rak ka vuak piak hram hlah uh. A hnulei a keng zong faktuk in ka tuk piak hram hlah uh tiah mitthli he ngeihthiam a hal hna.

September 17 ni ahcun Daw Kay Zin Kyaing cu Taung Li Lung thawnginn ah an kuat nain, Covid-19 boruak he ai keih loh tiah palik sakhan ah cun an kirpi than. Biahal ding dang an nei le siko lai tiah a pasal nih cun a chim. A hnipuan pawl cu September 15 ah khan a thar thlenpiak dingin an va lak i a phone belte lak an rak siang loh. SAC ralhrang nih rampi nawlneih nak an lak February 1 in September 17 tiang, ni 229 chungah ram mipi 6591 nak i a tlawm lo an tleih cang hna tiah AAPP nih cun nawl an chuah.

Leave a Reply

Your email address will not be published. Required fields are marked *