Myanmar Rammi 4 Cu Assam Rifle Le Mizoram Palik Nih India-Myanmar Ramri Ah An Tlaih Hna

Myanmar rammi 4 cu India-Myanmar ramri pawng India nichuah chaklei ah Assam Rifle le Mizoram palik nih kan tlaih hna, tiah nihin October 27 zing ah cathanh an chuah. Myanmar rammi 4 cu nizan October 26 ah Mizoram ramkulh Saiha pengkomh palik le Assam Rifle nih kan tlaih hna, tiah an langhter. Mizoram ramkulh, Saiha pengkomh Nihawtlang khua ah Tuluk ser Kenbo 125 cycle 4 he an tlaih hna hi a si.

Myanmar rammi 4 cu cycle 4 he an kal ti thawng an theih caah Mizoram palik le Assam Rifle i bawm in an tlaih hna hi a si, tiah Mizoram News nih an langhter.Myanmar rammi 4 cu Assam Rifle le Mizoram palik nih an tlaihnak kong an langhter lo. India-Myanmar ramri ah Myanmar rammi a tlungkal mi thawng an theih caan paoh ah Assam Rifle le Mizoram palik i bawm in an tlaih tawn hna, tiah theih a si. Crd # TCP

Adang >>>Inn Hriangkawng Deuh i A ummi Nutung Nu Pakhat Zanlai Ah Mifir pa nih A luh Hnawh i Nutung nu nih Dawhtuk In A Rak Thlem Khawh Diam (Pa Caah Zohchia Ngai Si)

Mifir pawl cu zantlai deuh hnu le mi um tuk lonak inn hriangkawng deuh ah hin an cawlcang tawn i a hlei in pitar le putar umnak inn deuh ah hin an lut duh deuh theu tawn .September 29 zan ah Japan ram Nishio khua i a um mi kum 42 mi Asahi Shimzu nih cun pitar kum 78 upa a umnak inn a poah i innchung ah a luh hnu ah a phaisa chiahnak i a chiahmi phaisa vialte cu a lak piak dih .

Asinain Asahi Shimizu i a lakmi phaisa pawl vialte cu a tuh lawngte an rak si i pitar nu nih hin CCTV a rak chiah ve i mifir pa cu fawi tein palik pawl nih an tlaih khawh colh than .”Aliamvcia thla tlawmpal ah khan ka phaisa 220000 cu an rak ka firpiak bal cang i tu ah cun mifir pawl leh rauchan duh ah ka phaisa chiahnak ah phaisa a tuh lawngte ka chiah cang i CCTV zong tha tein ka chiah cang” tiah pitar nu nih cun palik sin ah a chim .

Tutan mifir pa a rak luh lio zong hi Bathroom ah ka tak kai kholhlio a si i a thawngpang ka theih ko nain a theilo bantuk tein kai umter . Zei ca tiah mifir cu misual an si i hriamnam hna ai ken sual lai ti ka phang , cun phaisa a tuh lawngte ka chiah cang ko i CCTV zong ka chiah cang ko caah ka buai lem tilo tiah hnangam ngai in a chim .

Palik pawl nih cun pitar nu sin ah cun mifir pa kan tlaihkhawh nak hi nangmah na rak i ralrin cang mi ruang ah a si i, tu bantuk in mifir le misual pawl tlaihkhawh nak ding ah hin mipi zong tuanvo nan ngei ve i nangmah bantuk hi si cio hna seh law misual pawl zong hi fawi tein kan tlaih khawh peng ko hna lai . Tutan kan tlaihmi mifir pa zong hi nangmah thawngin a si tiah an ti ve .