Myanmar Ram Mipi Caah A Herh Tuk Mi Thawngthanh Nak

Atu lio cu Myanamar ram chungah khua a sa mi vialte nih kan um kan lal nak ah ral rin tak tak kan herh ko cang. Myanmar ram chung ah zawt rai ruang le ram buai ruangah rian tuan khi ti lo in mi tampi cu kan um hna. Cutik ah minung tampi cu zeitin dah ka fir khawh lai ti lawng hi an ruat cang hna cucaah Myanmar ramchung i a um mi vialte nih kan um kan kal nak ah zeitin dah kan ralrin lai timi hi a herh taktak mi a si cang.

Myanmar ram chung ah hin ralkap pawl nih rampi nawlneih nak Aanaa an lak hnu in ram chung ah mifir an karh chin lengmang cang. Zeitluk in dah myanmar ram chung ah hin mifir pawl hi zeitluk in dah an ral a that i, an thilfir mi hi zoh tik ah tih a nung kho taktak. Mifir timi hi kan theih cio ko lai dah tiah ka ruah.

Mi theih lo kar lak te ah thilfir hi an rak i tim i an rak fir tawn tik ah zapi zaran nih cun theih khawh an har ngaingai. Sihmanhsehlaw a tulio i kawlram mifir pawl cu chun lai bak ag an fir thluahmah cang. Tuzing i Mandalay lam 80 nak i thil fir nak a chuk mi cu tih hi a nung kho taktak si. A tanglei ah Video zong in ka van langh ter chih lai. A tanglei i ka rak langh ter mi video hi zoh law myanmar ram chung i khua a sa mi mipi hna kan him ti lo nak a langh ter.

Cucaah na um na kal hi nai ealrin taktak a herh mi a si i mi zei kan cung poh ah a tlung kho mi a si vantuk in mi zei kan si poh ah ralring taktak in um cio hna uh sih. Hithil hi myanmar ram chung i a um mi na unau na chungkhat na hwikom vialte nih an theih ve i an i ralrin khawh cio nak rak theih ter cio hna uh law. A tang bik ah Video a um lai.

Yangon ramṭhen, South Okkalapa Township i inn pakhatah nu pahnih cu an va lut i mithil an va fir sui lr chawva tampi an va firpiak hna tiah an khua pawl nih cun an chim. January 20, zanlei nazi 4 hrawngah South Okkalapa Township, Veng No. 4nk i a um mi, kut i rian a tuan mi pawl an um nak sang ah an va kal i a ho ti theih lo mi nu pahnih nih cun an thil le sui le phaisa cu an va firpiak hna.

“Hi ka sang hrawnghrang hi inn fa tete an umti nak pawl sang a si. Cuti cun nizan ah mifir an va lut i sui le tangka an va firpiak hna hi a si tiah South Okkalapa veng i a um mi mi pakhat nih cun January 21 ah khan a chim.

Inn i an thilfir ding ah an va luhhnawh lio hna ah hin nungak tleirawl pakhat te lawng a rak um lio a si i an hrocer tuk ruangah holh lo tein a zoh ko hna i a lungfah tuk ah a tap thluahmah ti a si. Cu hna dawng cu thil thit chawm te i eidin a kawl mi mi sifak chungkhar te an si tiah an chim.

“Inn chung ah cun mah tleirawl pakhat nu te cu aw thang piin a tap cuahmah lio le a au thawng kan theih tik ah cun a rianran nak in kan va luhhnawh hna i cuvial ah cun mifir pahnih cu an rak zam manh cang e tiah an khuachung minung pakhat nih cun a chim.

Leave a Reply

Your email address will not be published. Required fields are marked *