Mizoram Ah Pa Pakhat Faktuk In Ai Hliam i Sizung Ah A Vai i Thit Ter, Doctor Le Nurse Pawl Kha Nan Thiam Lo Cawnnak Ah Nan Ka Hman A Ti Hna i Faktuk In An Buai (+Video)

Minung hi khawika hmun le hma kan kalnak poah ah hin kanmah nih a tha tiah kan ruahmi le kanmah theih tawk ah hin raltha tuk in kan um ding a rak si lemlo. Zeica tiah kanmah nak in a thei deuhmi le a thiam deuhmi tampi an um hna ti kha kan philhlo ding a si. A hlei in sizung te hna ah cun kanmah nak thiam lawngte nih Doctor le Nurse an tuan ko caah kanmah ruahnak kha tamtuk kan langhter lem ding a si lo.

Tutan i kan rak chiahmi video tawite hi naite i Mizoram chung i a lar ngaimi a si. A lar nak a ruang cu a mui ai dawh ruang le a fim le a thiam ruang si lemlo in a hruh ruang le hawinak in a rak tlamtlin lo nak ruang tu ah mipi theih le Mizoram pumpi ah minchiat nak lei in a larmi a si.Hipa hi a kut ai hliam i sizung ah vai i thit ter dingin a va kal .

Cu sizung a phak ah cun Nurse pawl nih tha tein an rak welcome i thit piak an rak timh ko nate in amah nih a ruahnak kha han deuh le dikdeuh in a ruah ve caah Doctor le Nurse pawl cu a zum hna lo i amah duhning tu in thit ter a timh diam hna ai. Ai thawh i” keimah hi cawnnak men ah ka hmang hlah u ka duhning in ka thi u law a za” tiah a hro chih hna.

Adonghnak ah cun a lem tuk cang caah “nangmah na thiam deuh ah cun nangmah tein vai i thit ko ca” tiah Nurse nu nih a thuat ve mei. Nurse pawl cu a thawh hna i nan thiam taktak lo keimah hi cawnnnak men ah nan ka hman a ti hna. an leh vemi cu kum 4 chung an cawng i kan thiam cang hnu ah sizung ah hin kum 12 chung kan tuan cang” tiah an leh ve. A video hi rak zoh ve.