Min Aung Hlaing Uk Nak Chuah Tak In Ram Mipi Pawl Siah A Rak Zaam Mi Ralkap Le Palik Pawl Cu NUG Cozah Nih Thil Tha Tak Tak An Tuah Piak Hna

No description available.
Myanmar ram ralkap pawl lakah hin mi tha tam pi an rak um ve ti hi NUG cozah nih fiang tein a theih tikah a tu bantuk in thawng thanh nak hi a tuah hi asi. Ram mipi lei tang in a um mi ralkap pawl le palik pawl pum pak nan si ah chungkhar na si ah ei din le nan ngandam nak kong he pehtlai in lung retheih in nan um lai loh NUG cozah nih tuan vo kan in lak hna lai tiah thawng thanh nak an tuah.

NUG cozah nih thawngthanh nak a tuah bantuk in, ralkap le palik pawl hna nih mipi kuttang ah um i a hman mi thil dirpi a duh tu hna nan caah chungkhar pawcawm nak ding caah zeihmanh lungre theih nak um lo dingin NUG cozah nih thawngthanh nak an tuah. Hi bantuk thawngthanh nak an tuah mi kong he pehtlai in ralkap le palik pawl nih mah le umnak hmunhma cio ah NUG cozah zung ah vai i chim dingin theihter nak a tuah.

No description available.

Cupin ah NUG cozah nih an neih mi Federal Army ah tel an duh sual a si ah cun, telkhawh nak nawl kha an pek hna pinah hmailei pensen lahkhah tiang pek te dingin timhlamh nak lianpi an nei. Ram mipi dawtnak lungthin he rian an rak tuan mi kha pompiak in NUG nih a dirh mi Federal Army ah hin ralkap tuan kho ding in kan in tuahpiak hna lai.

No description available.

Hmailei pensen tiang lakkhawh nak ding kong zong ah tlamtling taktak in kan in tuahpiak htimhrim hna lai tiah biakam nak zong NUG cozah nih an tuah hna. Atu lio i myanmar ramchung ralkap pawl sinah hin ram mipi dawtnak lungthin he rian a rak tuan mi minung tampi zong an rak um mah bantuk in mitha tampi an rak um mi kha NUG cozah nih a theih caah ram mipi dawtnak lungthin a ngei mi an si mi kha pompiak in an dirh mi Federal Army ah an pom nak hna hi a si.

Mah pumpak caah thatnak a kawl mi ralhrang ralkap kutchung in chuah i ram mipi kilveng tu ding in thinlung ruahnak a nei mi ralkap le palik pawl kha NUG cozah nih lungthin takten kan in lomh hna i inka kau pin kan in onh hna. Hiti hin NUG cozah nih dirh mi Federal Army nan luh nak ruangah hin hmailei nan chungkhar caah harsat nak a um nak hnga lo ngandam nak lei ah siseh eidin kong ah siseh nan lungre thei lai lo a herh ning in tuanvo kan in lak hna lai tiah NUG Cozah nih thawngthanh nak an tuah.

No description available.

Leave a Reply

Your email address will not be published. Required fields are marked *