Min Aung Hlaing nih A Bochan Tak Tak Mi, Ralbawi Dr, Kyaw Thiha Nih Min Auug Hlaing A Chuah Taknak Kong A Chim Mi Hi Rak Ngai Ve Hamnh Pasal Tha Tak Tak Asi {+Video}

No description available.

Ralkap pawl nih Myanmar ram mipi pawl cu nan kah hna lai i, an tih lai i an dai te ko lai tiah ralhrang ralkap pawl nih cun an rak i ruah chanh mi le thawng an rak thanh mi a si. Sihmanhsehlaw nihin ah Myanmar ram mipi pawl kan zoh hna tikah cun ralkap pawl an rak ruat mi nak tam in an rak fim caah ralhrng ralkap kut tang in chuahnak lam kha an rak theih diam ai tiah ram mipi pawl he lung khat tein a um mi ralkap Sibawi rian a tuan nak kal tak in CDM a tuah tu Dr. Kyaw Thiha nih a chim. Mynamar ram chung in a um mi ralkap pawl hna hi cu thil hman kha duh lo in, an mah ruahnak lawng in kal a duh mi an si tiah a ti fon hna.

Zeiruangah dah CDM na lut : Myanmar ram chungah a um mipi kil kam ding in ralkap rian hi ka tuan mi a si. Cun ralkap ka si tikah keimah pum pak thatnak kawl in ralkap rian a tuan mi ka si loh tian ralkap pawl nih an i bo chanh tak tak mi Dr. Kyaw Thiha nih a chim. A si CDM ka lutnak a ruang bik cu rampi nawl neihnak Aa-naa ting a si thawk in, ralkap a tam u cu ram mipi pawl sinah an colh cangh ning ka zoh tikah ram mipi caah rian a rak tuan tawn mi le ram mipi humhimnak ding caah dawtnak thinlung put in, rian a rak tuan ton mi ralkap pawl kha a tu ahcun ram mipi caah si ti lo in mipakhat pa caah an tuan mi ka hmuh tikah lung nuam lo ngai in ka um.

No description available.

Cucaah ram mipi pawl caah saduh thahnak nganpi he ralkap rian kan rak tuan mi kha atu ahcun mipakhat pa thatnak ding caah a tuan ding si cu ka duh rumro lo. Cu caah hi ralkap thilthuam in um zong hi ka duh lo cucaah CDM ka tuahnak hi asi tiah a ti. Ram pi nawl neihnak Aa-naa an ting in thawk in, mi cheukhat ralkap pawl hna mi sinah an colh cangh zoh tikah lungthin hi a fak tuk cu caah ralkap rian ka tuan nak kal tak in ram mipi pawl he lungrual tein CDM ah ka lut nak hi a si tiah Dr. Kyaw Thiha nih a chim.

No description available.

Cozah riantuan tu pawl zungkai loin sandah a piah tu pawl an sawi mi kongah finhternak : Min Aung Hlaing hruainak in rampi nawl neihnak Aa-naa an ting in thawk in, Myanmar ram chungah Sibawi, Sianginn lei Saya/mah le tlanglawng i rian a tuan tu pawl nih an mah le rian tuan nak rian kal tak in ralkap uknak duh lo nak an langhter ciao hna. Cu tikah Sibawi nih cun mi zaw kha a zoh awk asi tiin an ti hna i, sandahpiah ding an si loh tiah na ti hna. Cun Sianginn Saya/mah te zong nih an sianginn hngakchia kha tha tein ca an chim hna ding a si ko sandahpiah ding an si loh tiah na ti. Tlanglawng riantuan tu pawl zong an rian te kha an tuan awk a si ko tiak an ti hna. Sandahpiah ding an si loh tiah na ti mi hna hi zei tinh dah na ruah.

A si Sibawi pawl nih an mizaw kha an zoh khenh awk cu asi. Cun Sianginn ca chim tu pawl zong nih sianghngakchi kha ca an chim ding hi asi ko. Cuti thiamthiam cun tlanglawng mawngtu pawl na tlanglawng te kha na mawng ding hi a rak si ko. Hi hna pawl hi thil sining tein kan tuah ah cun an tuah ding mi rian te cu asi ko sandahpiah ding cu an si bak loh. Asihmanhsehlaw a tu lio kan ram kan zoh tikah ram mipi nih vote an pek mi cozah pakhat kha ram mipi kut tang i cozah riantuan bu pakhat asi ralkap nih ram pi nawl neihnak Aa- naa a ting hnu cun Sibawi nih mizaw zoh khenh ding, Saya/sayamah te nih sianghngakchia ca chim ding ti mi le cozah riantuan tu pawl nih an mah le an rian ciao an tuan ding a si ti mi ruah nak vialte kha a thleng dih cikcek.

No description available.

A tu kan ram ralkap mipi an lut bakah a kah mi hna hi teh zei an ruah nak dah asi hnga: Dr. Kyaw Thiha nangmah cu ralkap chungah thluaklei he pehtleih in sibawi pakhat na si tikah, zeiruangah dah 88 lio ah khan cun mipawl an an kah poppop hna. Asinain, a tu than ah cun an lu bak ah an kah thluahmah hna, cupin ah nihin ah an tleih hna i thaizing an ruah an rak lak ter hna tikah hin, ralkap pawl hi an thluak a hman lo ruangah maw asi hnga zeitin dah na hmuh ning asi. Aw asi mah kong ah him cun thil dang cu um dawh asi loh, hi tin hin kan tuah ahcun ram mipi pawl nih an tih lai i an i ngawl ko lai ti hi an ruah nak asi ko lai.

Ralkap pawl nih hin myanmar ram mipi hi saram hruai in hruai an kan timh. Saram cu kan tuk kan velh hna tik ah an zam. Cuve bantuk in kawlram ralkap pawl nih hin mipi pawl hi saram pawl tukvelh ruang i a zam iminpawl bantuk in an zam ve rua lai tiah an kan ruah. Sihmanh seh law kawlram mipi hi minung kan rak si tik ah cun thinlung ruahnak a ngei mi kan si tik ah. hramhram loin ralkap nih an kan ti mi hi zamtak kan tim hrimhrim loh. Cucaah kan ti khawh tawk in ralkap hi kan doh cio mi hna a si.

Leave a Reply

Your email address will not be published. Required fields are marked *