Maw Kathin Cawm Pading Te Bak A Si Ko, Lairawn I Kahdoh Nak Ah Kan Thi Dih Deng

Kalay peng Chuangkuah le Natchaung pawngkam i kahdoh nak boruak ah VAKOK (CNDF) commander nih mipi lei a ṭang mi ralkap pawl an mual a pho dengmang. “Zinglei nazai 10 hrawngin ralhraang pawl cu an kaldiam cang rua tiah kan ruah i Chaungkhuah khawchung ah kan lut.”

“SAC ralkap pawl cu khua an rak chuahtak rih loh i, feet 200 hrawng hlatnak hmun in an rak kan kah, Sinan, an kan kheng kho deuh loh i ai Ning deuh. Kan um nak hmunhma cu a rianran nak in kan chuahtak i kan thial tak diam tiah a mah nih cun a chim.

Ralhraang SAC ralkap nih cun Kalay peng, Chuangkuah le Natchaung khua pawl cu biatak thlak tein an khangh cuahmah lio dirhmun a si i, hriam a tlai mi ṭangrual pawl he cun biatak thlak tein an i doh hna.

Khua urkaangtu ralhraang SAC ralkap pawl cu April 25 sun nazi 12 hrawngah VAKOK (CNDF), RKDF, ပ.က.ဖ le PDF-Kalay ralkap pawl nih an kah hna i i kahdoh nak ah cun ralhrang lei cu faktuk in an tuar.

VAKOK (CNDF) commander nih cun “Chun nazi 12 hrawngah i kahdoh nak cu faktuk in a chuak i kan nih VAKOK (CNDF) bakah mipi leiṭang ralkap ပ.က.ဖ, RKDF le PDF-Kalay pawl nih cun an kan tampi i PDF-Kalay ralkap pawl he bomb kamh bak in kan thuat hna.”

“Ralhraang mawṭaw siseh, ပျူစောထီး mawṭaw zong bomb in a puah hnawh i kan doh Ning hna cu a duh taktak khi si. Di a Rian kho taktak. Kan kah nak le bomb kan puahmi nih cun ralhraang tampi a thah hna lai tiah kan zumh kan mah lei ah ပ.က.ဖ ralkap pakhat a thi. Hriamtuar 2 an um nan an zualhma loh” tiah KTM sin ah a chim.

Ralhraang SAC ralkap in April 25 ah Natchaung leh Chaungkuah inn 40 hrawng an khangh dih lai tiah kan zumh nain boruak a sosang deuh rih ruangah a hmun ah kal in nemhnget khawh a si rih loh. #LawrKhawm