Maw Kathin A Motorcycle Cung Te Ah A Nunnak A Liam A Thih Ning Cu Lungthin A Khoih Tuk Hringhran E

 

No description available.

Chungkhar ah pabik tam pi hna cu an chungkhar nuam tein khua an sak khawhnak ding caah, harsatnak tam pi chung in chungkhar paw cam nak ding caah tha dih zangbaa ngai in rian an tuan hna. Chungkhar paw cawm nak an kawl lio caan ah an pum cung ah dam lo nak nih a phanh hna lio caan ah chungkhar sinah theih ter lem lo in, chungkhar caah ral thanak he chungkhar cawm holhnak ah an caan an hmang hna. Mithmai panh khawh chung in um hi an rak i zuam hna aruang cu kan mithmai a chiat ah cun kan chungkhar an i nuam lai loh ti kha an rak ruat tuk caah asi.

Indonesia ram ah a um mi Misyanto a kum 66 kum a si mi pa pakhat cu an chungkhar  paw cawmnak ding caah nichiar te, Lam cungah motorcycle in ice-cream zuar in, chungkhar caah phaisa a kawl tu pakhat a rak si. Kum 66 asi mi Misyanto cu lam cung ah ice cream a zuarnak motorcycle ah a rak thi ai. Thil sining cang cu hi ti hin asi. Motor driver pa pakhat a min ah Suwoco pa cu lam lai bak ah kal nak that lo in Misyanto ice cream zuar tu pa motorcycle nih cun an rak kham ai.

No description available.

Cutikah Motor driver pa nih cun a motor chung cun a hmai i a dir mi motorcycle cung i a thu mi cu a hei zoh tikah, motorcycle driver pa a lu cu cycle kut tleihnak cung ah a khin ko kha a hmuh i, motor driver pa nih an hnu lei in heh tiah a chet a pek leng ko nain, vawikhat te tal hmanh a colh cang lo kha a hmuh. Cutikah Motor driver pa nih cun pakhat khat cu a si cang ko lai tiah a hmai i a dir mi motorcycle cu a va zoh tikah cun Misyanto an ti mi pa a motorcycle cungah a rak thih cu a va hmuh.

Kum 66 a si mi Misyanto hi rian tuan nak ah a thazang a rak dih tuk mi kha a rak i thei thiam lo i chungkhar paw cawmnak ding lawng kha a tuah tikah, zeitluk in a re a rak theih ko zong ah ice cream an rak zuar peng ruangah a tu bantuk in a nunnak a liam nak hi asi tiah a chungkhar sinah thawng an thanh hna. Misyanto a ruak cu Police pawl nih an chek tikah a tak pum cung ah pakhat hmanh i khawn den nak a um lo tiah police pawl nih fehternak zong an tuah chih fon.

No description available.

Misyanto hi a zungzal tluk in a lufahnak hi a rak ngei mi a rak si i, a thaw chuah zong hi a rak i harh ngai ngai ton mi pakhat a rak si tiak an chungkhar pawl nih an rak chim. A tu bantuk in a thih zong hi, nichiar te ice-cream a zuar peng caah a retheih le thabaa a celh ti lo ruang ah a si. Cu caah carel tu vialte nih kan theih ding ah ka duh mi pakhat cu chungkhar paw cawm nak kan kawl holh tikah, kan tak sa nih a celh lo tiang in rian tuan hi kan hmang lo ding in kan sawm chim duh hna seihernak nganpi he. carel tu nan dih lak cung ah ka lawm.

Leave a Reply

Your email address will not be published. Required fields are marked *