Maw Kathin A Fak Ko Mu, US Sianginn Ah An Thah Mi A Nupi Zunngai In A Nunnak A Liam Ruangmang Ve Mi A Pasal Sining Cu Celh Awk A Tha Loh

Vawlei pumpuluk a hnin tu a rakthlak tuk mi, US, Texas Siangin i kah nak i nunnak liamnak thawngpang hi a si. Ca chim tu Garcia ih a pasal Joe Garcia cu a nupi zuun tuarin caw nili zan ah khan heart attack in a thi tiah thawng kan theih. Mr. Garcia, kum 50, cu Sianginn hmai i a nupi philh lo nak cross phunmi a haal ih, inn a Phanh than hnu ah tuah lo piin a thi tiah a tupa John Martinez nih media pawl.sinah cun a chim.

Joe Garcia and his wife, Irma Garcia. Mr. Garcia died of a heart attack two days after his wife was killed in the shooting at Robb Elementary School in Uvalde.

“Caw nili zinglei ah khan pangpar kenpah buin sianginn cu a va haal ih inn a Phanh hnu ah heart attack in a thi. Thil vialre hi mitṭhepkaar ah a cang dih i a tutiang in zumh thiam a har tuk hringhran ko e. Zanmang zong hi a lo ko e ” tiah a ti. Joe Garcia le Irma Garcia (kum 46) cu chungkhar an dirh nak hi kum 30 a tlung dengmang cang i fanau 4 he chungkhar khawsa mi an si. Upabik hi kum 23 a si i midang cu kum 20 tlung rih lo mi an si hna.

Kum 20 reng lo cawng sayama ṭuan cang mi Irma Garcia thih nak kong he pehpar in “ka chim than zong ah hin mitthli tla lo le tap lo in ka um kho bak loh. Palik pawl.zong Sianginn chung an va luh ah cun a ṭang ah hngakchia pom pah nunnak dih cia a ruak in an va hmuh. Celh awk a tha loh e. A duhdawtmi a siahngakchia le pawl humhim nak in a nunnak a hlan” tiah John Martinez nih cun a chim.

Leave a Reply

Your email address will not be published. Required fields are marked *