Maw Kanute A Rapthlak Tuk E Inn Pakhat Ah Minung 4 An Thah Hna

England, Killamarsh, Chandos Crescent i a um mi chungkhar nu pakhat le a fale 2, a fanu i a hawi le pawl cu zankhat ah misual nih an thah hna. Chungkhar pabik Jason Bennett cu khua dangah arak um i thawngpang chia a theih bak in a tah buin mitthli he in lei ah a tlung.

September 19 zarhte zan i thil a cang mi a si i a thaizing sunday zing lawngah an sungkhat pawl nih cun an thei. Chungkhar nubik kum 35 mi Terri Harris, a fanu kum 11 mi le a fapa kum 13 mi pawl cu thah an si, cun a fanu i a hawi nu kum 11 mi Connie zong an inn ah arak riak ngelcel i thah a si ve.

Vengchung mipi pawl nih police an kawh hna i an lunghrinh mi kum 31 mi cu an tleih. An inn i a riak mi Connie i a pa in, “Ka fahniang nih mual a ka liamtak. keimah ka ton mi bantuk hi a hohmanh nih nan ton ve dingah ka duh hrimhrim loh. Ka tuarnak hi holh in ka chim cawk loh tiah mitthli he a tap peng.

Mr Bennett zong mitthli he inn ava phan ve i “Ka thinlung a kekkuai dih e, Nulepa pawl nan fale pawng teah can tha nan neih mi hi tampin pe ko uh law. Zeithil dah kan cung ah a phanh te lai timi hi a ho hmanh nih kan thei cia dih loh. Ka hmuh than te lai timi hi ka ruat kho loh. Pom i van hnamh hi ka cak tuk hringhran ka thinlung hi a man in a kuai dih cikcek ko e tiah mithli he a tap.

An vuinak caan hman nak an tuah mi zongah minung tampi nih an ngeihchiat nak an va hrawmpi ve hna. Hi tualthat kong he pehtlai in kum 31 minung an tleih cang nain thil sining vialte cu palik pawl nih fiangten chim phuan nak an nei rih loh. Thil tampi dothlat ding a um rih i, cun hi zan i thil sining fiangten a thei tu nan um a si ah cun, police sakhan ah a rianran nak in thawng rak kan thanh te uh tiah theihter nak zong an tuah. (Daily Mail)

England, Killamarsh, Chandos Crescent i a um mi chungkhar nu pakhat le a fale 2, a fanu i a hawi le pawl cu zankhat ah misual nih an thah hna. Chungkhar pabik Jason Bennett cu khua dangah arak um i thawngpang chia a theih bak in a tah buin mitthli he in lei ah a tlung.

September 19 zarhte zan i thil a cang mi a si i a thaizing sunday zing lawngah an sungkhat pawl nih cun an thei. Chungkhar nubik kum 35 mi Terri Harris, a fanu kum 11 mi le a fapa kum 13 mi pawl cu thah an si, cun a fanu i a hawi nu kum 11 mi Connie zong an inn ah arak riak ngelcel i thah a si ve.

Vengchung mipi pawl nih police an kawh hna i an lunghrinh mi kum 31 mi cu an tleih. An inn i a riak mi Connie i a pa in, “Ka fahniang nih mual a ka liamtak. keimah ka ton mi bantuk hi a hohmanh nih nan ton ve dingah ka duh hrimhrim loh. Ka tuarnak hi holh in ka chim cawk loh tiah mitthli he a tap peng.

Mr Bennett zong mitthli he inn ava phan ve i “Ka thinlung a kekkuai dih e, Nulepa pawl nan fale pawng teah can tha nan neih mi hi tampin pe ko uh law. Zeithil dah kan cung ah a phanh te lai timi hi a ho hmanh nih kan thei cia dih loh. Ka hmuh than te lai timi hi ka ruat kho loh. Pom i van hnamh hi ka cak tuk hringhran ka thinlung hi a man in a kuai dih cikcek ko e tiah mithli he a tap.

An vuinak caan hman nak an tuah mi zongah minung tampi nih an ngeihchiat nak an va hrawmpi ve hna. Hi tualthat kong he pehtlai in kum 31 minung an tleih cang nain thil sining vialte cu palik pawl nih fiangten chim phuan nak an nei rih loh. Thil tampi dothlat ding a um rih i, cun hi zan i thil sining fiangten a thei tu nan um a si ah cun, police sakhan ah a rianran nak in thawng rak kan thanh te uh tiah theihter nak zong an tuah. (Daily Mail)

Leave a Reply

Your email address will not be published. Required fields are marked *