Malaysia Ummi Kan Unau Hna Caah Ralrin Peknak

Selangor, Kuala Lumpur le Putrajaya hmunhma pawl cu caan sining zoh in chawhvah le cawlcangh cu phihkhar asithan lai, October 14, 2020 zaantim bak in thok le ot than asi lai.

Humhimnak lei I tuanvo ala mi vuanci Ismail Sabri Yaakob nih Covid 19 zawtnak cases cu Klang, Petaling, Gombak and Hulu Langat ah akarh than ruang caah asi tiin achim.

“Hmunhma dang pawl ah hi zawtnak rungrul karh terlonak ding le ahlankan tein ikham/ven cianak ding caah ram humhimnak veng tu phu (National Security Council) zong nih Klang, Petaling, Gombak le Hulu Langat hmumhma pawl ah CMCO pehzulh than ding cu an lung atling ve” ti ah tuni facebook in ton I chimrelnak ah achim.

Note: Acung lei thawng thanh he peh tlai in iralring cio than hna usih. MCO thok ka bantuk kha asi ko ti khawh asi.

Siaherhnak he, CRC

Thawngpang dang: Armenia le Azerbaijan hna nih kahngolnak an tuah hnu zongah Karabakh khuapi ah nizan ah khan bomb a puak than i, kahngolnak biakam buar ah khat lei le khat lei an i puh tonh.

Ram pahnih hna karlak ah hin Russia nih palai riantuan in Moscow ah kahngolnak hi donghter dingin remnak an tuah i, an i remnak hi zarhte ni in thok asi. Hriamnam lian le Missile in i kahnak caan tlawmte an i ngol ti lio ah bomb a puak tthan hoi.

Azerbaijan le Armenia hna nihhin remnak an tuah mi buar ah an i puhtonh nain zanlei sangin cun hriamnam lian ikah le bomb thlak cu an ngol cang ruangah stepanakert city chungah a ummi hna cu inn chungin lengah an van chuak tthan cang hna tiah theih asi.

Amah belte cu kahngolnak nih hin caan khat te lawng a daih i, zarhte ni zan suimilam 11:30 hrawng in hi khuapi a rawk tuk cangmi ah hin voi 7 tiang bomb a puak than. Hi ruangah hin vanlawng in i dohnak theihternak thawng a ringmi tum asi tiin AFP reporter nih a chim.

Kahngolnak hi cu caan tawite chung ca lawng asi tiin Azerbaijan officer lian hna nihcun an chim. Mithi ruak le thongtla i thlennak dingah kahngolnak hi ngolchung mi lawng asi i, kah ngoknak taktak asi lo an ti. Azerbaijan nih hin Karabakh an neih tthan khawhnak dingah hin ngol an tim lo tiin an chim fawn.

An i cuh mi Karabakh hi Armenia miphun umnak asi i, minung tingkhat le a cheu hrawng an umnak hmun asi. kum 1990 khan minung 30000 hrawng an thihphahnak dohnak a chuah hnu in Azerbaijan uknak in a chuak mi an si.

Hi hmun i cozah dangte in a ummi hna hi Armenia nih hin a dirkamh hna i, an karlak boruak a linsa mi ah tutan an i dohnak tianghi a chuah phah nak asi. Credit: Mizzima.

Leave a Reply

Your email address will not be published. Required fields are marked *