Lunglomh Nak Mitthli A Luang Thantlang Innkang Mi Lak I Inn Neitu 2 Cu Mizo Ram Kan Unau Hruaitu Pawl Nih A Sunglawi Tuk Mi Laksawng An Pek Hna E

September 18, 2021 simlei nazi 3:00 hrawngah ralkap pawl i bomb le meithal ruangah Thantlang inn 19 cu a kangral dih. Mah cu a kang mi mei mit dingin a va chuak mi Pastor pa zong ralkap nih an rak thah i a kut an tan piak hnuah a zungbunh tiang an rak lak piak tiah thawng kan theih.

Cuti cun ralkap nih an khangh mi inn pahnih a nei tu Pu (–) le innkang pakhat i an fapa cu dam le tluang tein Mizoram, Lunglei khuapi an phan tiah thawngtheih a si. Chanmari Lunglei hruaitu pawl nih dawtnak thinlung he an rak don hna i an herh bau mi hnipuan, zanpuan eih ding pawl an buaipi dih hna ti a si.

October 10, 2021 zanlei nazi 6:00 ah Chanmari Veng hruaitu le Chin Welfare Organization hruaitu pawl he ralzam pawl um nak hmun ah an va ton hna i can an hmang ti hna. Lunglei khuapi i a um mi ralzam pawl cu khuatlang hruaitu le tualchung mipi pawl nih an dawt tuk hna i an bomh hna.

October 3, 2021 zongah an sin i a um mi paw ralzam pawl cu Mizoram chung i a um mi an chungkhat pawl sunah kal le i thial an i timh ruangah Chanmary VC House ah ralzam pawl thlahnak an nei. Chanmari hruaitu pawl nih an kal nak ding motor man zong an liam piak dih, lampi i an hman ding phaisa tiang an pek hna.

Tualchung mipi pawl zong nih silhfen hnipuan pawl tiang in an pek hna, Zawngling in Lunglei an kal nak Rs.30000 hrawng zong an pek hna Lunglei, Chanmari veng i thiltuah mi cungah Chin Welfare Organization zong nih lunglomh nak an chim (#Salai Charlie Zakapa, President Chin welfare Organization)

Leave a Reply

Your email address will not be published. Required fields are marked *