Limpi (Rul) nih Dolh Dingin A Zual Dih Cang Hnu Ah Vanthat Ah A Fanu Pasal “Rual Tha Sang” Nih A Nunnak A Chanh Khawh Manh Than

Mizoram khuachak lei ah a um mi Khawlian khua mi Pi Vanlaldiki le a fapa Rual Tha Sanga cu ruahsur lak ah mehhang zal dingin ramtang ah an kal i vanchiat ah rul (lim) lianpi an vai i ton sual . Anm nufa in ramtang an chuah ah hin a fapa cu hmai ah akal i a nu nih hnulei in a zulh ve i rulpi umnak an phak ah cun a fapa nih cun a lanhtak i a hnulei in a rak zultu a nu tu cu rul nih cun a rak tlaih ti a si .

Anu au thawng cu a fapa nih a theih tik ah thihngamh in a nu cu rulpi lak cun a chanhchuah tiah theih a si .A Nu nih a chim ning ah cun ” Mehhang kawl dingin cun kan nufa cun kan i thawh i ramtang kan phak ah cun kan nufa in i hlat tuk lemlo in a dangdang in kan i then . Kei ka kal nak lei ah cun vanchiat ah rulpi pe 14 hrawng a saumi a rak um celngel i ruahlo tuk in ka hnulei in a van ka nam i ka ke ah a ka zual colh .

RULNGAN HI ENGE?

Cubak cun ka au i ka fanu cu a rannak in a rak tli i a nam kenmi in a sam i a ka chanh manh tiah a tawinak in a chim .A fapa nih a chim ve ning ah cun ” ka nu authawng ka theih bak cun ka lau tuk ve i amah umnak lei ah cun a rannak in ka va tli i rulpi le ka nu cu na rak um ti ko . Ka hmuh cun ka lau tuk i chikhat cu zeituah awk zong ka thei lo . Rulpi cu cooker litre 3 tia hrawng a lianmi a si i ka zoh ah tihnak in ka khat . Asinain ka nu cu a mei lei in a zual cang i a lu cu cunglei ah a tum .

Asullam cu a meilei in zual i a lu lei in ka nu kha dolh tim sehlaw ka lawh teKa va naihdeuh hna i a lu lei cun a rak ka nam ve i ka dirnak cun ka tlu. Ka tho than i ka nam kenmi cu ka sam i a hngawng in pekhat hrawnghlatnak ah ka nam cun ka lek fuh . Asinain a zeihmanh poi lo .Ka nam kenmi kha a nganpi silo tik ah fawi tein a lu tan ding cu a har ngai ve .

208-2086691_black-mamba-wallpaper-snake-king-cobra-hd - StoryV Travel & Lifestyle

pasal ka ti i rulpi cu ka takpum in ka bawh hnawh i ka thazang umek bak in ka nenh chih i ka namte cun heh tiah ka tuk chih i a donghnak cun a lu ka tan khawh .Cuhnu cun khuami kan chawnh hna i an rak kan don i rulpi cu kan phurh. Pe kan tah i a lu katan hnu ah pee 14 a tling pah , a lu he cun pee 14 cu a tling diam . A lianhfat hi cooker litre 3 nak in tlawmpal te a fa deuh kho men . Asinain minung cu duhtawk tein a kan dolh khawh tuk lai”tiah a chim.