Lem Cang Thiam Minthang Ye Aung : Ralkap Lei Nih Thawngthanh Nak An Tuah Mi Hi Ram Mipi Vialte Nih Rak Zul Dih Uh

MWD thawngpang a ngai duh lo mi kawlram mipi hna theihkauh nak a tlawm mi ram mipi vialte hna ka zang nan fak tuk e tiah lem cang thiam minthang Ye Aung nih hiti bantuk hin ram mipi vialte sinah thawngthanh nak a tuah. Atu bantuk in thawngthanh nak a tuah mi cung ah hin, a mah i a theihkauh nak a tlawm deuh maw a si hnga ram mipi pawl hna dah an si deuh hnga ruah awk a tam ngai ngai.

Myanmar lemcang thiam minthang Ye Aung hi ram mipi a that cuahmah mi ralkap a dirpi tu pakhat a si. A mah nih a chim mi cu, kai thim mi lam hi zeitik hmanh ah kai palh bal lai loh tiah raltha ngai in a phuan. Myanmar ramchung ah hin, ralkap an um lo ah cun, kanram pi hi a lo tlau dih lai i kan cei dih lai. Ram pakhat ah hin ralkap hi zeitluk in dah an biapit tihi Myanmar ram mipi nih cun kan theithiam kho loh mah hi hi ka khuaruah a har tuk mi thil pakhat a si.

Atu bantuk in, lemcang thiam minthang Ye Aung nih ralkap a tanh ruang ah hin ram mipi pawl he ruahning a van i khah lo nak te khi a si. Cutik ah mipi leipawl zong nih khan, a inn tiang ah Bomb an rak puah hnawh bal cang. Atu ah cun minthang Ye Aung cu ralkap pawl nih a zeizong vialte in an zohkhenh i an kilven. A mah a him nak ding caah, ralkap pawl nih an bomh i cu ralkap kutchung ah a um nak hmun cun a tu bantuk in mipi vialte nehsawh thlanglamh nak hi a rak chim nak a si.

Ram mipi pawl hna nan theihhngalh nak a bit tuk ruang ah le, ca nan rel lo tuk ruang ah nan hruh nak hi cu khuaruah har thil cu a si lem loh. Myanmar ramchung ah hin, thawngpang a hman mi nan theih khawh nak ding ah cun, MWD, MRTV, hika i thawngthanh nak an tuah mi vialte hi a dik mi lawngte a si. Hi a hman mi thawngpang an rak thanh mi hi nan zumh lo tikah lungthin a nuam lo tuk hringhran. Myanmar ramchung i a um mi ram mipi vialte hna nan fim nak ding le nan hngalh nak a kauh nak ding caah ca hi tampin rak rel cang uh tiah a langh ter.

Leave a Reply

Your email address will not be published. Required fields are marked *