Lebanon, Beirut I Puahnak A Um Hlanah Thiang Thlarau Nih Khuaruahhar In Pastor Pa Sinah Rian A Tuan

Beirut ah a ummi Life Center Church Beirut In Pastor Said Deep nih a chim mi cu Beirut I puahnak a chuah hlan teah ka thinlungah phundang tein thil a hung chuak mi cu tihphannak, thin hunnak, le ngeihchiatnak hi an si. Cucaah ka riantuan hawi hna he thla kan cam lengmang mi ah zei tin dik ka um I ka thinlungah chiatnak nganpi a tlung lai tiin a  chuak lengmang.

Zei ca dah asi ti hngal lo in hrang ngai in mi kip kha inn ah kir dih uh pumhnak khar u, tiah ka ti hna I zei tin dah si, lam hla pi in kan ra I kan I pe cang, meeting kan tuah lengmang an ti. Nain kei nih zei tin dah a si ti ka hngal lo zaangfahnak in inn ah tlung ko uh law Sunday ah ra than te uh ka ti hna mah lio cu ni hnihni zanlei long a si rih. Cu ti cun Pastor Deeb nih thil pakhatkhat tihnung a chuak lai ti in a thinlung ah a chuah hnu in a riantuan hawi minung 34 cu inn ah a tlun ter dih hna I hngakchia bible cawnnak zong a cancel piak hna.

Mah cun Thiang Thlarau nih kal, kal, kal, tiah ka thinlungah a ti I cucaah kei zong nih mi kip kha inn ah tlung dih uh, computer kha phit hna u, ti in ka hnekchih hna, an mah nih ziah mah ti cun rawl pei kan chumh lio hi, refugee le sifak caah tiah an ka ti nain kei nih tu chun cu zeizong te cancel dih a si, fridge chungah chiah ta dih u tiah ka ti hna. A hrut cang rua tiah an ka ruah, asinain zeihmanh an thei thiam lo I, kei zong nih Thiang Thlarau nih a kan fialmi a si ka hngal ve lo.

Life Center Church Beirut hi a puahnak hmun in meng khat hrawng long ai hlatnak ah a um. Thil a puakmi nih hin 4000 sqaure-meter I a ummi thil vialte innka le thlalangawng vialte a khuai dih hna. Ka khan rak um uh sih law kan thi dih cang hnga. Minung 200 nak tam nunnak a liam I thong tampi nih hliamhma an hmu, cun thong tampi inn loin an um hna.

Asinain Pastor Deeb nih a chim mi cu Beirut I church vialte hna hi Beirut caah a hlannak in hmunkhatah kan I fun deuh hna. Kan herhmi cu a ngan tuk hringhran caah Lebanon mi vialte cu hmunkip in a herhmi hmun thianh ding le bomh dingin an ra I ei le din kan zong kan kuat hna. Cucaah Bawi Jesuh pum ruangah Pathian cu ka thangthat, Hmunkip in zeidah kan in bawmh khawh lai tiah an ka chawnh cio. Mah hihi ka nun chung a voikhat hngalhnak ramkip in Khrihfabu vialte Lebanon le Beirut bomhnak ding caah kan I pumkhatnak a si tiah Pastor Deeb nih a chim.