Lainu hla sak thiam ralrinnak pek a tawng, a nih hi Fb chung le a leng a tak ah a rak i dang diam ko mi, mi hnahchuah zawng a hman rua dah an ralrin oeknank hi ra rel veng tuah

THE LAIRAM TIMES CATHANH || Khuaza vantoi um Laimi sinah theihternak le ningcang lo in Khuaza vantoi ah bia a vahtertu sinah ralrin peknak:

1. West Lairam ah Laica, Laiholh thanchonak le Laimi nih miphun sinak an i fiannakhnga tiah zaanghleicawi in rian kan țuannak ah dohkalhtu le khuaza vantoi theih in, ningcang lo tuk in bia na vahter mi cungah kan ngaih a chia ngaingai ko.

2. Hihi zumh an tlak lo tiah fiantertu thil pakhat hmanh ngeih ṭung lo in, khuazaram um Laimi sinah bia na vahtermi hi Lai miphun kar kan hlannak ah dawntu thil a si caah, kan duh lo, hmailei ah hi bantuk na tuah rih ahcun sining dikthlir in Laimi khuaza um sinah langhter na si lai.

3. Lai caholh cawnternak kan thawk lai tiah thanhnak kan tuah le cangka, The Lairam Times rian țuantu hna sinah, tlerhkhonhnak bia na chimmi cu kan dohkalh.

4. The Lairam Times nih kan tlaihtleng hnorsuan in Lai caholh dirkamhnak rian ah hnahnawhnak na kan pekmi cu kan duh lo; cucaah a tu in na sining na ziaza ṭhinh cang tiah ralrinnak kan in pek.

5. Kan Lai caholh dirhkamh duhnak lungthin na ngeih lo hmanh ah hnahnawhnak a kan petu si hlah. Miphun le caholh dirkamhnak ah thiamnak taktak na ngeih lo hmanh ah mi kar ah hnahnawhnak pe hlah.

6. Hi kan cathanh mi na kan zulhpiak lo ahcun na min na khua, na nulepa unau maivan chungah kan langhter dih lai.

7. Khuaza vantoi um Laimi hna zong nih, West Lairam ah Lai caholh a dirkamhtu hna le rianțuantu hna hi mizei dah zumh an tlak ti hlathlainak nan ngeih hnu lawng ah bia kan khiahpiak hram u tiah kan in nawl hna.