Kum Tampi Pawfah ( Pawpi tha lo ) A Nei Mi Nih Ai Dampi Bak Mi Sii Tha Taktak, Pawfah A Nei Mi Nih Rak Tuah Ve Nai Dampi Hrimhrim Lai

ဗာဒံပင်၏ အံ့ဖွယ်များ – Shangyimm

Hawi le vialte hna nihin ah kan chimh duh mi hna cu Bandar hnah kong hi asi.( ဗန္ဒါ႐ြက္) Bandar thing kung hi a tam u cu hmun rawn lei le khaulinh nak ram deuh ah a um duh khun mi thing kung pakhat asi. Bandar thingkung hi khualinh caan ah fawi zang tein ngaidem i dawr nak caah rak hman tawn mi thingkung a rak si. Cun hi Bandar thingkung hi hmun kip ka kip ah an keu i a um mi a si. Sihmanhsehlaw mi tam pi nih cun an that nak kha pakhat hmanh kan rak theih loh.

Bandar thing hnah a tu i (hmanthlak in kan rak langhter mi bantuk) Bandar thing hnah a cang deuh mi thing hnah hi ti hrai 3 na tawih lai i na tlawh ter lai i, ti hrai 3 na tlawh ter mi kha hrai khat 1 hrawng tluk a tang tiang na chumh lai i mah a tang mi hrai khat kha na din piak ah cun, pawpi phin le pawpi tha lo kha a damh ter khawh mi a si. Cun, pawpi that lo ruangah rawlhak ei kho loin sanpiaoh a ei tawn mi caah hisi hi a tha taktak mi a si.

ဗာဒံပင်၏ အံ့ဖွယ်များ – Shangyimm

Cun, zunpi kal tik ah thisen a chuak tawn mi hna caah hisii hi a hlankan tein rak dinpiak khawh ah a tha mi a si.Cun hi banra thinghnah ho nitlang ah an pho dih hnuah dip tein an rial i aihre bantuk in an bar kha ti bar khawh ah cun kan pawpi a cak lo mi caah sii tha taktak a si.

Keimah hi ka pawpi cak lo tuk ruang ah fahnak tampi a rak tuar cang mi ka si. Buh hak mi ei kho loin sanpioh lawngte ka rak ei, sanpioh ka ei chiar tehi ka mitthli a tla zungzal tawn. Cuti cun can ka rak hmang i sizung zong ah thlahnih chung a rak i thlawp cang mi ka si caah ka ngeih zong a rak chia tuk hringhran. Pawpi fahnak in maw ka nunnak hi a liam te lai tiah khua fakpi ka rak ruat i ka lung a rak dong tuk tawn.

ဗာဒံပင်၏ အံ့ဖွယ်များ – Shangyimm

Cuti cun, ka thih sual hmanh ah ka duhmi tile rawl hi eita ning law kai lungsak ko hnga timi khua tiang ka rak ruat. Keimah nih ka lung dongh bu tein phone kai lak i pawpi fahnak sii hi a um ko lai tiah online chungah ka rak kawl.Van that ah online i ka rak hmuh mi cu Bandar hnah a that nak kong hi ka rak hmuh i ka teh manh ve. Pawfah a rak har nak cu, chikhat te lawng a dai i a fak than peng tawn. Asinain hi sii ka din hnu tlawmpal ah ka rawl hna a tam khohsuai hna ka ei rawl hna ka van ei thluahmah le ka pawfah nak kha lakpiak mi bantuk in ka theih lo kar ah a dam dih.

Hisii ka din ruang ah hin zeihmanh a rak ei kho lo mi pa kha ka duh mi tirawl vialte ka ei khawh dih cang. Cun ka fanu zong a kal phin ruangah a paw a puar thluahmah tah lawng a rian tawn mi a si. Culio ah cun hi sii hi nihnih ching nikhat ah hraihnih peng ka din ter i a nithum nak ah cun a pawpuar mi vialte a tlau dih. Cuhnu cun ka fanu zong damnak tling a hmuh ve. Khupfah kengfah a hmang mi pawl ca zong ah hi Bandarhnah hi a cang tuk lo mi a hnah kha mei ah na em lai i a fah nak ah khan nan benh lai a dam lai.

Bandar thei hi lung lei le zunthlum zawtnak a ngei mi pawl caah sii tha tuk mi a si caah a thei hi eipiak ding a si. Bandar thei hi ramdang ah cun, Mi lianngan mi rum deuh pawl lawng nih an ei khawh mi a si. Chakalet chung ah an chiah chih i an zuar mi a si. 1 gram ah dollar 100 in an zuar hi thingthei hi ramdang ah cun a harsa tuk sinain kawlram ah cun a tam tuk mi thingthei a si. A zuar cu chim lo a ei tu hmanh mi tlawmte kan si.

ဗာဒံပင်၏ အံ့ဖွယ်များ – Shangyimm

Leave a Reply

Your email address will not be published. Required fields are marked *