Kum 4 Hngakchia Nih Mahtluk In Lar Cu A Mak Ko

Vande Mataram hla a saknak thawngin Mizoram mipi lawnghmanh silo in India ram milar hna tiang zongnih an uar tuk mi Esther Hnamte cu Amul company fakthanhnak tharbik ah hman asi.

Hi fakthanhnak hi Amul Managing Director RS Sodhi nihcun nizan ah khan a Twitter ah Mizoram hngakchia Vande Mataram hla hmangin mi thinlung teitu tiin a tarlangh.

Kum li lawng asi rih mi Esther Hnamte music video, Vande Mataram nih hin a tu ahcun YouTube ah zohtu minung ting 61 a nei cang i, India ram Prime Minister Narendra Modi zongnih duhnung a tinak kong le thiam a tinak kong Twitter hmangin a rak chim cang i, amah hlei ah hin Mizoram Chief Minister le Governor hna hlei ah A.R Rahman hna zongnih thiam an tinak kong an rak chim cang fawn i, lawmhpinak zong Mizoram Governor sinin a rak dong cang fawn.

A dang rel chih: Kan hnu kum 2020 November thla ni 8 ah tuah cang mi Myanmar General election cu vote thlak ning kongah felfai lonak a um tiin ralkap a ttanhtu USDP party nih an chim lengmang. A ralai mi Parliament meeting neih hlan ah ralkap hna nih nawlngeihnak Coup hi a la lailo tiah chim khawh asi ti loh tiin January ni 26 ah tuah mi Myanmar capital Naypyidaw khuapi ah Press Conference neihnak ah ralkap hruaitu lubik nih a chim. Thimnak result hi Union election Commission nih a pawmpi cang i, February ni 1 in effect ding asi.

Ralkap nih an duh ning tein an rak ser mi 2008 Myanmar Constitution cu a sangbik le a biapi bik mi Mother Law asinak kong le hman hrimhrim a hauhnak kong zong a chim chi hi, dan hi ttha tein zulh asi lo ahcun ralkap nih hi danpi hi kan hrawh lai tiin Commander in chief senior General Min Aung Hlaing nih mipi hna cu a tthihphaih can ghna.

January 29,2021 ah khan Armoured vihicles Tank Car zeimawzat hna cu Yangon khuapi chung Bahan Township ah hmuh asi. Cu bantuk in Armoured vehicles hna Myanmar khuapi bik Yangon le khuapi dang hna ah hmuh an sinak a ruang hi Myanmar ram a hnu bik thimnak ah khan ralkap ttanhtu USDP Party cu an rak sung i, NLD party nih mipi hna dirkamhnak in teinak an hmuh hnu ah thimnak a fello tiah sual i phawtnak election dispute a um hnu ah thil a cang mi asi.

The Union Daily news nih a tarlangh ning ahcun T-92 armoured vehicles Tank rual hna cu Bhamo Township, Kachin state chungah mipi hna hmuh dingin ai chok let tiin hmanthlak he a tarlangh.

No. 5014th  tank battalion Commandant Lt.Col San Naung Oo tu nihcun hihi cu thildang ruangah silo in an motor repair thar an hneksaknak test driven men asi tiin a chim ve. Sagaing region chung Kanbalu township zongah cawn nithum ni ah khan lampi thluan ah 6006th Tank Batallion in Tank car rual hna cu an rak i langh ve tiin Amyotha Hluttaw MP Dr. Hlaing Myint Han nih a chim fawn.

Kum 2020 Kawlram thimnak ah khan ralkap ttanhtu USDP party nih MP Seat 1117 ah aicuh ve i, a thong renglo seat a umnak ah seat 71 lawng an hmuh i, ruling asi lio mi National League for Democracy (NLD) tu nihcun a dang vialte cu a lak dih i, seat 82percent cu a hui viar.

Election observers hna nih thimnak felfai lo deuh a um ti an theih lo lio ah politician zong a si ve lo mi ram venhimnak rian tuan in ramri veng tu ralkap lei tu nihcun NLD cozah nih vote million 8.60 tluk ning canglo in an tuah tiah tlaikhua hnu ah an van phuan than ve.

 

Leave a Reply

Your email address will not be published. Required fields are marked *