Khah, A Ro Pui Bak, Chin Pa Bak I Hi Ban Tuk Thluachuah Let Hnih A Van Co Than Mi Hi Cu A Mak Ko -Pu Vanceuuk Khenglawt
Chinmi tam taktak an umnak US, Indiana ramkulh, Perry Township School Board ah committee chungtel si ve dingin ai zuam mi Chinmi Rev. Dr. Hre Mang cu November 9 ah khan thim nak in a tling ve tiah thawng theih a si. Hi Perry Township School Board ahhin a zuam mi hi minung pa 7 an um i cu hna lak ah cun minung pa 3 thim an si. Minung pa 3 hriltlinmi lakah Rev. Dr. Hre Mang a tel i vote tha taktak hmuh buin a tling tiah thawng theih a si.
Perry peng ahhin Suakthuan Sianginn 2, Lailak Sianginn 2, 6th Grade Sianginn pa 2, Hramthok Sianginn11, KG Sianginn 4, le tualleng Siangin 3 an um. Hi Sianginn pawl lak ah hin Chin Siahngakchia Tam pi zatek 20% an kai, tiah theih a si.
Pu Van Ceu Uk Khenglawt cun, “Indiana Chinmi zate ih vote kan thlakmi tlamtlingte in kan hlawhtling. Atui’ School Board ih vote kan thlakmi hin sullam a nei taktak. Next Step ah City Council maw, State Presentative maw, State Senate ah kai khawh thluahmah nak ding lam tha taktak a um tiah a chim.
Rev. Dr. Hre Mang cun, amah dinpitu Indiana Chin mipi pawl sin ah lunglomh nak bia a chim o “Indiana um Chin unau pawl, Mizan election result theih tikah Kan zaten thazang kan ngah cio lai ka zumh. Titan i thim nak ah hin Pathian nih chin miphun hi an Kan umpi bak ko timi hi fiangten ka theih. Khual Kan si ti loh i citizen kan si cang.
Tuanvo latu, school, city and state, federal govt. ah siseh kan ram, kan school, kan govt, kan community, kanmai tuanvo a si ti fiangten kan theihciami a takin kan i tel kho ve cang. Democracy ram asi bantuk in zapi ten citizen vialte vote kan thla kho cang.Pathian nan duhdawt, miphun nan duhdawt ih kei zong Nan ka duhdawt Nan ka bochan mi ka hmuh tikah Kai lom tuk hringhrang. Thazang zong tampi ka ngah. Nan ka dawtnak leiba hi Kan cham kho hna lai loh nain Pathian Nan dawtnak hi a mah Bawipa tunih a let za in in cham ko hna seh.
Chin mi zapi ten lungrualten kan cawlcang hna. Hmunkhat te i kan tanti tik ah kan lung ai rual tikah hmailei c ruahchN nak tampi. Chuah ter. Kum upa, nu le pa, mino le Siahngakchia zapi ten Kan i tel dih. Business owner pawl nih phaisa chawva an thawh. A lam kip a phunphun in Kan tangti hna. Kan ram harsatnak ruangah vawlei cung khuaza ram kip ah Kan i thek dih hna nain Kan um nak cio ah Pahtian tihzah in Pathian duhmi hi biapi bik ah chia zungzal hna u sih law community ah lungrual ten tangti in kan umnak ram hrangah thiltha chuahpitu si kho zungzal dingin Pathian sinah thlaza cam pah in hmunkhat ten tangti zungzal ko hna u sih tiah a chim.
Dr. Hre Mang hi Chin ramkulh, Falam peng, Zawlte khaw chuak a si i 1988 ah Mandalay tanghra a Kai Lio ah rampi a buai ruangah Siangin khar a si i CNA ah a lut.Cu hnu ah cun US ah a kal i Political Science in Doctor a ngah. Falam Christian Church of Indiana (FCCI) ah pastor tuan Lio mi zong a si.American rampi acozah Department pakhat ah Board chungtel i mipi thim tlin mi lakah Chinmi a hmaisabik tlingtu a si, tiah theih a si.
