Keimah Pumpah Ka Cohlan Khawh Lomi Raltuknak Strategy

Ralhrang le CNA + CDF cu Thantlang, Hakha, Falam, Mindat, Kanhkaw, Kalay, etc ah an i kah. Mah vialte hmun ralhrang nih an lak or an tei dih hnu ah maw pent tlang lei ralhrang pawl cu an ra lai i Peng tlang CDF nih hin an rak doh/ kah ve hna lai ti nak maw a si hnga. Hi bantuk strategy hi a um taktak ko lai maw tiah Khua a ka ruah ter hna. Mah tluk in Thantlang le Hakha Ral an tuk cuahmah lio ah lam nai um CDF pawl kan pengtlang kan ven ti , aiaiaiaiaiaai.

Ral a tuk mi unau cu pei va bawmh ding an si cu. Nan um nak ah ralhrang an ra lo ahcun nan training zong pakpalawng. Nan tha bat nak vialte zong pakpalawng. Nan tangka phaisa dih mi vialte zong pakpalawng. Nan can sunglawi vialte zong pakpalawng. Keimah pumpah ruah nak mu. Kaalawm Credit-Joel Zaathang

2 Chanrelnak 14:15 Balsam thingkung cungah kalthawng na theihtik ah na thawk te lai tiah Bawipa nih ati. David nih a mah lawng raltuk arak ngamh lo i aitim lo. A phaw ah ai ruah zungzal mi Bawipa a rawn khawm hmasa. Bawipa zeitik in dah ka thawk lai tiah a hal. Pathian nih Balsam thingkung cung i kal thawng na theih tik ah na thok te lai tiah a leh.

Balsam thingkung cung i a kal mi cu amah Pathian asi. David cu a mah lawng kal a ngamh lo caah Bawipa a rawn khawm hmasa i Bawipa nih a kalpi. Cun a kal thawng a theih tik ah David nih rak tuk a thok ve i teinak a hmu. Kan nih zong Pathian kal thawng theih khawhnak caah a mah sawm peng a hau. Toidornak he sawm ahau. Mah duh mi poh tuah pah buin Pathian kan sin ah a kal kho lo. Rachael nih milem ai ken caah an sin ah Pathian a kal kho ve lo i buainak in an lam caan an rak hmang. An milem an hlonh hnu lawngah an lam an tluang.

Israel nih Ai khua an tuk tik ah an mah chungah mifir le Pathian ralchanh in a nung mi an rak um caah mitlawm te asi mi nih an rak dawi len hna i zeimawzet zong an rak thah hna. Sinain i thenhnak an tuah i cu hnu ah Bawipa an sin ah a kal ve i teinak an hmu kho. Nun i thlah dah bu le dawhcah loin nun buin Bawipa kal thawng theih khawh asi lo. Bawipa he kal ti lawngah teinak hmuh tuan khawh asi.

Cucaah Bawipa kan sin a kal khawh ve nak hnga Zuu nak inn Bawipa sawm deuh sih, dinfel lonak kha hrial in Bawipa sawm u sih. Mah pengtlang menmen i tanhnak thin lung hlaw in Bawipa tanh usih. Mah pumpak sipuazi le miaknak men ruahnak thinlung hlaw in Bawipa ithim deuh usih. Cu hnu ah Balsam thingkung cung ah Bawipa kal thawngkan theih ve ko lai. Mah cu lam lawnglawng cu kan ralteinak ding lam cu asi. Kan taksa le thlarau caah Bawipa lawng kan teinak asi. Bawipa nangmah kan in sawm ko, kan ummi ko sawh! Amen.Credit-Van Bawi Kam Zaitu

Leave a Reply

Your email address will not be published. Required fields are marked *