Kawl Model Dr. Nang Mwe San Cu Sexy Tuk In Video A Thlah Ruangah A Tawn Mi Thil A Fak Taktak 

Miss Dr Nang Mwe San cu Facebook ah sexy tuk in vdeo a thlah lengmang ruang ah Republic of Union of Myanmar & Myanmar Medical Council nih warning an pek cang. a ruang cu a cawlcangh ning hi zohchunh awk a tlak lo pin ah kawl nun phung zong zei a rel lo ruang ah a si. cu lawng si lo in mizaw a zohkhenh tu nih cun hi bantuk in an cawlcangh awk a si lo an ti caah tu bantuk in warning an pek nak a si.

Warning an pek cang hnu zong ah facebook i a cawlcangh ning tha lo cu a ngol hlei lo caah MMC ( Myanmar Medical Council) nih a rian in an dinhter pin ah A Doctor si nak Licence zong an chuh chih lawlaw. Cu thawngpang cu facebook ah a hung lar tuk colh. MMC lei in an chim mi cu doctor a si nak license kan lak piak mi hi a duh ah cun ni 60 chung ah appeal ( nawl nak ) a tuah hnu ah a rak lak than khawh tiah an chim.

Dr. Nang Mwe San's Latest Video: (Over 3 Million Viewers on Facebook in Two Weeks) Chords - Chordify

Hi kong he peh tlai in BBC nih MMC Chairman , Professor Kyaw Hla cu bia an hal i , Dr Kyaw Hla nih a chim mi cu “Zei poah nih hin dan,phunglam an ngei dih ko. kan mah zong hi phunglam ning tein kan kal ko. Nuhrin covo (Human Right) zong a um i a covo kan hrawh piak dih ti nak zong a si lo. Cu caah ni 60 chung ah appeal a tuah khawh ti zong kan chim nak hi a si . Discipline an zulh ah cun ti mi phunglam a um dih ko ” tiah Dr Kyaw Hla nih cun BBC sin ah a chim.

Myanmar Medical Council lei nih an chim ve mi cu Dr Nang Mwe San hi tha tein warning zong kan pek i a mah zong nih ka tuah ti lai lo tiah biakam nak tha tein a tuah ve hnu ah , tu bantuk in thla thum hmanh a tlin hlan ah facebook public ah zohchian ngai in a cawlcangh than colh caah tu bantuk in a license kan chuh nak a si tiah fiang tein an chim ve. Dr Nang Mwe San nih cun hi ti hin BBC sin ah a chim ve ” Harsa tuk in kai zuam i ka hmuh mi Dr License tiang an ka chuh mi hi cu Human Right an buar bak ko. ka license zong hi ka ngah than hrimhrim lai tiah ka zumh ko ” tiah a chim ve.

Nang Mwe San - Too lit to quit🔥 | Facebook

”A tu lio hi ,Arts lei , Photo Model lampi ka zawh i ka tui tuk lio a si caah hi tin ka um rih ko lai. a si nain Doctor rian tuan a herh ko ka ti tik poah ah tuan than cu ka duh i kai tim ko. a herh mi Application le a dang pawl zong hal than khawh kai zuam ko lai. hi kong he pehtlai in kan Sayagyi sin zong ah ngeihthiam hal kai tim ko ” tiah Dr Nang Mwe San nih cun BBC sin ah a chim chih fawn. Source : BBC