Kan Miphun tuarnak hi Bawipa lawng nih a kan hnemhkhawh lai

New fighting breaks out in Chin State's Thantlang | Myanmar NOW

Kan Miphun tuarnak hi Bawipa lawng nih a kan hnemhkhawh lai, kan Pastor pa khatkhat nih Live in kan hnemh hna selaw tha. Chin miphun kan biertung let caan a si, Chin fa a si mi poh kekkuai caan a si. kan fa nau tleirawl tete hmanh nih nunnak an pek cuahmah. thawngchia ka theih ah kei mah lawng ka dak,ka dak, a phu ko timi bia le hla ka lungah a chuak, a paam mi hna. ka nau le ka chungkhat an si lo,nan zanlai khua ka ruah ah ka mitthli a hai. ka kam i a it mi kafa hniang te le khan dang it mi ka fapa pahnih ka lungah a hun chuakcawlh, CDF/CNA a paam mi zawnah ( tahtthimh chialo) ka fapa le hi hei si ve hna sehlaw ti. ka ruah ah a paam mi hna an Nu le Pale u le nau hna cu ka ngaihchia pituk hna,i ka ttap thluahmah,mah ti cun zankhua ka doi.

Hi bantuk ral thawh lio caan ah Chin miphun ningpi ralring ten kan um hau caan a si, lung vaivuanh i zawng para thlei bantuk in, tinh mi phanh kawh lo a fawi. cu caah suttung kan neih mi miphun huap tu Bu ruahnak hnatlak nak bia le ca pawl zulh khawh kan hau, pumpak in ka fim ve thil ka thei ve ti-ah a au mi an tawr ve lai, asinan Mizapi/Bu nih caih khang hnu ah biakhiah nak an tuah i mipi kha zul uh timi kha toidor ten zulh cio kan hau. Ca tial tu kei mah pumpak si ningah U.S ka phak nak kum hleili a si i, U S hi a nuam nemmam lo. Chin ram te kha a nuambik.

PDF Terrorists Torch Homes In Thantlang Township Of Chin State - Global New  Light Of Myanmarr

Chin ram uk nak a hei that te tik ka mitthlam a cuangah Bawipa nih damnak ka pe hram seh ka ti peng. mi ram dang kan ah mipem tiah nehsawh zawmhtaih tuar peng a si, miraang holh hna thiampah ah cun lungfaak nak a tam. kan techin fapar tiang zong an hei tuar te ding ka ruah ka celh lo. ram nei lo in hitihin kan vakvai lai ka ruah ah ka ningzak. vawlei cung i miphun pa-khat le pakhat upat nak cu ram nei mi le ram nei kha an si, nihin Chin miphun ram thumnak um pawl cu limhang kan nei lo.

CNA/ CDF ka upat hna ka hmaizah hna. kan mitfang an si, khua a doi in zan ih lai tiang an mah kan cuanh hna. thla ka campiak hna ka si khawhtawk tangka kaa thawh. a tuhnu zongah ka sikhawh leng hmanh in thawh kaa tim. Chin ralkap tlanglei an ral tha, chak lei an ral chia tbk ruahnak kha kan i palh, Ralkap lei biachimnak nawlnei tu bia an hal ah chak lei Lai tlang le Sagain region cu kan control kho lo a ti, chak lei Lai tlang hi khua te poh CNA/ CDF nih an control dih i khuapi chung hmah ah an mah ralhrang camp pawngkam lawngah an um. a raoh hlan ah an lo ko lai.

Chin miphun kan van a ttha, nitlak lei ah Mizo kan unau nih an kan thlawpbul, ni chuak lei ah Sagain region le rawn Chin, Magway Region le rawn Chin hna nih ral tamtuk an kan khampiak,tuzing news ah Sagain region chung i company a lut mi pohpoh nih NUG permission catlap le ngunkhuai peknak a hau ti a si. Magway Region PDF zong cu an cak taktak i a raoh hlan ah an control ko lai, Chin miphun Bawipa nih a kan dawt timi hi chim sawhsawh lawng a za lo zumh a hau tiin ka bia ka dongh ter. Crd: Linlin Bawitlung

Leave a Reply

Your email address will not be published. Required fields are marked *