Ka Dawt Kan Kar Lak Ah KhenKham Tu Thil Hi Zei Dang Ruangah Si Loin UPC Na Rak Si Ruang Ah Mu Ka T‌hin

Tlangval pakhat ka si ve i ka Kum hi Kum 28 ka tling ve cang. Cuti cun Pathian lamhruai nak thawng in ka van thanglian thliahmah ve i nungak neih ka zat ve cang caah cun nupi neih zong ka herh ve cang i nungak pakhat duh taktak mi ka tong ve.

Cuti cun nungak cu ka van nei i ka lungthin taktak in ka duh bak mi a si mah ka nungak nu cu an krifabu hi UPC a si i kei hi ka um nak krifabu cu prees ah ka um. Cuti cun Kan i duhdawt nak can zong a van sau thliahmah ve i i umh nak khua Kan khang.

A tawi fian nak in van chim ko u sih law, kei nih le an mah krifabu luh kha ka ruat kho ve bak loh. Amah nih le ka pasal deuh krifabu ah lut ding ka si timi thinlung le a nei fawn Tung loh a duh bak ve loh. Ka nungak le chungkhar hi mirum an si i zeipoh ah ai toh delh mi chungkhar an si.

A nule a pa nih cun Kan fanu he hin i um uh law Kan krifabu ah hin lut law cun, Kan in le Kan lo zong hi nanmah nih Nan co lai cupin ah Kan dawr pakhat hi Kan in pek chih hna lai tiah a Kan ti. UPC luh kha ka duh ve Tung loh le Kan pahnih cun Kan buai taktak.

Hi ka nungak nu hi ka phiat ne hnga maw, zeitin dah a si hnga? Nu nih pasal a neih ah cun a vat mi a pasal krifabu ah a luh ding bak a si fawn tik ah ka lung hi a buai kho taktak. Hithil hi minung thenkhat caah cun cubang huaha cu Nan ti men ko hnga nain UPC krifabu kherkher i va luh hi cu ka ruat kho bak loh le ka phiat ko lai. ( Pu admin zangfah nak tein ka min le ka si nak vialte hi rak langh ter hram hlah aw).