James Bond Film, A View to a Kill Ah Bond Girl Tanya A Thi

A liamcia kum 1985 lio ah an rak chuah mi James Bond film, A View to a kill ah Bond Girl Tanya Roberts cu kum 65 upa asi in nai Pathian ni ah khan a thi.

Tanya Roberts hi Christmas lai ni ah khan a ui i hruai in lennak ah a kal i, mah ahcun a tlu sual i, Cedar Sinar Hospital, Los Angeles ah admit asi i, a thih ti hi a hawikom tha Mike Pingel nih Pathian ni ah khan a chim. Covid-19 ruangah a thimi asi lo tiin a chim i, a thihnak a ruang taktak tu cu fiangfai in a chim chih loh.

Victoria Leigh Blum, Tanya Roberts tiah theih ngai mi James Bond film, A View to a kill ah Stacey Sutton lem ah a can ruangah khan a lar ngai mi asi i, TV show That 70s Show ah Midge Pinciotti lem ah a can ruang zongah khan a lar ngai fawn.

Lemcan a thiam hlei ah hin modelling lei zongah tuanbia tha taktak a nei mi as ii, ABC Charlie’s Angels zongah khan it el in season donghlei ah khan Julie Rogers lem ah a cang fawn. Film 18 hrawng a cang manh i, mah a film cannak zeimawzat hi cu a chan lai lio ah cun a lar taktak mi lawng te an si hna i, TV show zongah zeimawzat ah ai tel fawn.

Kum 1974 ah khan Barry Roberts he an rak i nei i,a va hi kum 2006 lio ah khan a thi cang i, fa belte cu an nei loh tiah theih asi.

 

Leave a Reply

Your email address will not be published. Required fields are marked *