India ram ah Biakam nak Khuaruahhar Tuah Hnu ah Thitumhnak Puai An Tuah (An Biakamnak Cu A mak Taktak Khi Si)

July 9 ah khan India ram ah Mintu le Shanti timi hna pahnih nih thitumhnak mak ngaimi an tuah .Hi i thitumhnak hi kaphnih lei veve lungtlin nak in tuahmi a si.an i thitumh hlan deuh te ah hin biakamnak maktuk mi an ngei veve i cuhnu lawngah cun puai an tuah tiah theih a si. Cu i an biakamnak cu “Thlakhat voikhat Pizza ei zungzal ding, India rawl a simi Ghar Ka Khana ei hrimhrim ding, mah hihi ei duhlo in nuar bak lo ding.

Cun nichiarte Saree i hruk zungzal ding a si lai i , zaan party a um caan ah nupa tein kal tti zungzal ding , kal tengteng ding.Gym nichiar kal ding, zarhpini chiarte tum banaogay ei peng ding.Party kal caan ah hmanthlak dawhte i thlak ta hrimhrim ding. Ni 15 dan ah shopping kal hrimhrim ding” tibantuk pawl an si hna.Hi an biakamnak vialte hi catlap cung ah an tial dih i monu le mopa nih min an thut pin ah theihpitu zong nih an min an thut cio ve .

An puai cu hlunghlai ngai in an tuah i pangpar lawngte in an tamh moih.Hi biakamnak vialte hi monu lei in a chuakmi a si i mopa zong nih lung lawm tein a cohlan vemi an si hna.Hi biakamnak hi phungning bantuk tiangin an tuahmi cu a silo nain an pahnih lungtling tein an tuah mi cu a si tiah theih a si.