India Model Pakhat Cu A Sam An Mehsual Ruang ah Rs.2 Crores Bak An Liam

2018 kum a Liam cangmi ah Khan Delhi ah um mi model nu pakhat cu Maurya sammen nak dawrah sam Rian dingin a va kal.A Sam cu an van diam piak tikah cun a duh ningin an riam piak ti lo ti si.Hi model nu Sam a rak riam piak tawn tu hairstylist cu hi ni ah hin a rak um lo ti si.Cu tikah cuka dawr i a tuanmi hna nih cun hi Bantuk bakin Sam riam a thiam vemi a si ko tiah a dang hairstylist cu an hlan piak ti si.Cu tikah model nu zong nih cun a lungtling ve ko i a Sam cu ai riam.A Sam ai riam dih hnu cun a duh ning a si lo caah a tah lawng a chuak ko ti si.

Hi thil can khawh hnu baksh model nu cu lunglei dam lonak in a dam lo colh ti si.ICT kuthnu cu a duh ning a si lo caah amah sikhawh tawkin a rak I uan vemi a muisam le amah le mah zumhnak a ngei vemi a sinak cu a thlau dih ti si.A hlan ah cun model nu nih hin samsau hi a rak uar tuk nain tuah cun a Sam cu an cikpiak dih pinah a duh ningin pakhat hmanh a um ti lo.

Tuah hin model nu cu a duh lo ningin a Sam an riam piak ruangah National Consumer Disputes Redressal Commission nih cun model nu nih sinah an I thiam lonak langhternak caah Rs 2 crores pek a sinak Kong cu an rak phuan.Hi model hi hair products leiah model tuan liomi a si i, a tuan ding mi rian tantak hna cu a sam an tan sual caah caan sau nawn chung rian a tuan khawh lo phah ti si.