Hlasak Thiam Kum 40 Nu Cu Online In Mi A Hlen Hna Ruangah Wanted Ah An Phuan

Taiwanese singer le Television personality Ting Hsiao kum 40 cu a sualnak ruangah kum hnih le cheu thongthlak dingin an ti i, cucu duhlo in ai pumpek duh lo ruangah wanted ah an phuan beh tiah theih asi.

Hi hlasak thiam kum 40 upa nih hin online hmangin nuthil “Chanel” handbags le thildang hna cu zuar in minung tampi a hlen hna i, cu tiin a cawlcangh ruangah cun an report i, a kong cu an ceih i, kum hnih le a cheu thong thlak dingin hremnak pek asi.

Cu tiin hremnak an pek mi cu duhlo in a thawngpang theih awk um lo in ai thup colh i, voitam pi nawlngeitu hna sin ah i up dingin chance an pek hnu zongah ai pek duh hlei lo ruangah wanted ah an phuan beh tiah an chim.

Ting nih hin a liamcia kum 1999 lio ah khan Album 2 a rak chuah i, boy band 5566 chungtel Tony Sun he zong an rak i zul cang ti theih asi fawn. November ni 25 hi thongah a luh ding ni can asi nain a muihmuh ding hmanh a um ti loh ti asi.

Taiwan, New Taipei District Prosecutor Office lei ah dinh halnak a tuah tiah an chim, a sinain cozah dan buar in a cawlcangh ruangah le dan a zulh lo ruangah a halmi hna zong hi cohlan piak asi lo tiah nawlngeitu hna nih an chim. New Publication ETtoday nihcun mobile phone hmangin chonh an timh peng nain an call a lakpiak duh hna lo hlei ah message zong in a let duh hna lo tiin an chim fawn.

Kum 2015 khan singer Ting nihhin mi hi a rak hlen cang hna i, thil mansung taktak a hlei in nu thilthuam le accessories hna cu e-commerce platform in a zuar chin tiah theih asi. Mah lio ah can ah hin minung 12 hrawng cu a rak hlen manh hna i, midang tangka a eipiak mi hna hi NT$170,000 (S$8,000) dengmang asi tiin an tarlangh chih fawn.

 

Leave a Reply

Your email address will not be published. Required fields are marked *