Hi Putar Pa Nih Thil A Hmuh Mi Pakhat Ruang Ah Khua Ruah Har In A Chanchung Caah Philh Khawh Lo Ding Dirhmun Ah A Phanh Ter

Kum 55 mi Billy Harris hi lampawng Kam te i khua a sa mi a si i US, Kansas City lam pawng te ah a riak tawn. Lampawng Kam ah cun bawm hmete ai tuah i a donh tawn. Cuti cun can a van Luan thliahmah i February 2013 ahcun a hringnun hi phundang taktak in ai thleng.

Nu pakhat a min ah Sarah timi nu nih cu tarpa a thut nak lei ah cun a va pang thluahmah i a donh mi a dur chung te ah cun phaisa a va thlak piak. Cuti phaisa a va thlakpiak Lio ah cun a zungbunh zong a rak thlak chih Nan zeihmanh a thei loh.
A zungbun hi zuar sehlaw $4,000 in a manh lai. Sarah nih a zungbunh thlaunak hmun a thei ti loh. A tlangval he an ham nak zungbunh a rak si i a ui tuk hringhran.

Billy nih cun a bawm te Chung i zungbunh cu a van hmuh i a zuar lem loh a ruang cu hi zungbunh hi ka zuar ah cun a neitu nih a ui tuk lai ka phang tiah a ti. Tha tein a fim ziar cuti cun a hnu ah Sarah he cun an i tong than i zungbunh cu a pek..Sarah le a tlangval pa cu an i lom tuk hringhran i a lamtluan caah tiin fundraising hawlnak an tuah piak.

Fundraising ahcun $1000 hrawng ngah dingin an i ruah Chan, asinan mipi nih a konglam cu an theih i chawva an pek cio. Thlathum chungah Chaw $190,000 renglo an ngah. Sarah le a tlangval pa nih a chawva vialte Ken piak tu dingah lawyer an ruaih.

Billy cu a thil tuah mi ruangah a hringnun vialte zong ai thleng dih i Inn le lo, motor ṭha tha zong a nei cang. Billy in, “Miṭha cu ka si lo nan misual zong ka si loh. A ka bawmtu zapi te Nan cung ah lunglonh nak tampi ka nei. A tu’ahcun minung ka si ve cang” a ti. Sarah le a tlangval zong cu an i um cang i fanu pakhat an nei, an fanu te zong cu an hringnun i ai telve mi Billy he an i tong ve tawn.

Billy i a konglam cu TV Chung ah thawng an thang i cuhnu cun a chungkhar pawl nih pehtleih nak an tuah. A chungkhar pawl he hin Kum 16 chung bak an rak i pehtlai kho ti loh. A thei lo chung ah tule fa tuni zong a nei. A thil tuah mi ruangah cun a sining vialte zong ai thleng dih i a chungkhar he zong pehtleih khawh nak an nei.