Hi Hlei I Kan Thinlung A Kekkuai Hi A Um Ti Hnga Maw Ti Hi Ka Ruat

CNDF miralṭha kum 40 mi Pu Ngun Hrin Hmung nih ram le miphun hrangah a nunnak a pek. “Again, kan thinlung a kekkuai ! 14/03/2022 ni ah kawlralhrang pawl nih an tleih.Tuchun 18/03/2022 ah a ruak kan char a si tiin thawngpang chia taktak mi cu kan din than hoi. Kan nih nih cun President @Japan Sobul tiin a nickname a phunphun in kan kawh..

Kan ralkap pawl rawl chumh piak tawn tu (messing) ah kan bochan taktak mi pakhat a si. Chun i ai manh can ah hin fangdip in thitcop mi bag lian pi (hmanthlak chung ta khi) ai bei i…. ‘President, zei na tuah lai?’ kan ti le ‘Nau le pawl hrang ah RPG mu ka hawl piak ta hna lai tiah a ka leh tawn. A chim mi cu RPG mu cu tanpaw a si..

Kan ralkap pawl hi an rasl ei ka tal thaw deuh seh law tiin a mah te lawng i zal lianpi ai beu tawn le thaba lengmang in tiva pawng le ramlak ah kawhtrbel ti bantuk bantumpaw ti bantuk hi thaba lengmang in a va kawlpiak tawn hna. A si khawh chung in meh le hang hi a tuahpiak zungzal tawn hna.

Kan ralkap pawl hi a mah a chungchuak a fale bantuk in a ziaherh hna nak kong -2021 ah a nupi nih ruah lo piin a thih tak i fanu kum 9 te cu a pi sin ah an khualei ah siaherh tuk in a chiah ta nak kong, -Dothlen nak kan hneh tik lah cun a fanu te pawng ah um in cathiam, karate thiam a si ter duh nak kong, zeitik can poh ah a nunnak a liam kho mi kan si ruang ah a fanu te a mah lawng hi a mah te lawng vawlei cung ah a mah te lawng a nun te ding mi hi ka ruat kho bak loh e tiah bia a ka ruah tawn tu a si. Tu ah cun, a fanu kum 9 te cu nu le pa nei ti lo in a van taang tak tak cang e!!Dothlen nak hi a va kha dah aw!! (Crd Olivia)