Good News : Bawipa Tha Tuk E, NUG Hruai Nak Thawng In Ram Mipi Vialte Kan Saduh Thah A Tling Cang Lai

ကရင်နီအမျိုးသားများကာကွယ်ရေးတပ်(KNDF) တပ်ဖွဲ့ဝင်များ။ (ဓာတ်ပုံ - ပေးပို့)

Myanmar ram hmun kip ka kip ah mipi humhimtu pawl he pehtleihnak kan tuah i, na herh thil ri pawl kan tuah piak cuahmah lio hna a si tiah NUG ah rian tuan tu pakhat nih a chim. Myanmar ram chung dih lak hi kan zoh asi ah cun PDF hriam tlaibu le mah le khau le ram dirh kambu hi kan tam tuk caah hin NUG cozah nih caan tlawm te chungah harsatnak tampi he kan bomh hna. Asinain harsatnak tampi lak ah thil tam tuk kan tuah tuan manh tian NUG cozah lei i bawi pakhat nih achim.

Ram pi nawl neihnak ralkap nih Aa-naa an ting ruang ah mi pi nih duh lo nak an langhter. Cuti ram mipi vialte nih an mah le an ti khawh nak lam zulh in sandah cu an piah hna i, sandah a piah tu pawl cu ralhrang ralkap nih an kah hna i minung tampi zong an nun nak zong a liam. Cucaah mipi pawl zong nih an mah le ti khawhnak tawk in ralhrang ralkap kah doh ding in, an ngeih mi hriamnam i lak i ralhrang ralkap doh ding in ram mipi pawl nih tam an ral laa ve.

လွတ်မြောက်နယ်မြေတစ်နေရာတွင် စစ်ရေးလေ့ကျင့်နေသည့် PDF တပ်ဖွဲ့ဝင်အချို့။ (ဓာတ်ပုံ - ပေးပို့)

Myanmar ram chungah NUG cozah thar cu an rak dir ve. Cupinah ralhrang ralkap doh tu ding ah mah le miphun, cun peng le tlang tiin, ram mipi pawl cu an rak dir ciao hna. Cutikah Sep 7 ah khan NUG cozah nih cu thawng a thanh i ralhrang ralkap pawl hi nan doh khawh cang hna tiah thawng an rak thanh. Asinain NUG cozah nih hin thawngthanhnak lawng a tuah i mipi hriamtlaibu sinah hriamnam kong cun NUG le mipi hriamtlaibu karlak ah zeitindah kan i pehtleih nak ding thawng bel te a rak thanh chih loh.

A sinain, a tu ah cun ralhrang an cawlcangh ning kha a chiat tuk cang caah NUG cozah nih biatak tein bomhding in biakhiah nak a neih cang. Mipi humhim tupawl an herh mi vialte bomh dingin biakhiah nak an neih cang. Myanmar ram chung ah ralhrang ralkap uknak duhlo ruangah hriamnam i lak in a doh tu vialte hna ram chung ah kan tamntuk caah duhsah tein an herh mi vialte cu NUG nih phot zamh dingin thawng a thanh cang.

ကရင်နီအမျိုးသားများကာကွယ်ရေးတပ်(KNDF) တပ်ဖွဲ့ဝင်များ။ (ဓာတ်ပုံ - ပေးပို့)

Atuah cun cozah thar NUG le mipi dirkamh tu bu karlak ah i pehtleih nak a fek tuk cang. Mipi dirkamh tu tlangcung hriamtlai bu le NUG cozah le mipi dirkamh tu bu pawl fonh in ralhrang ralkap cu an tongh thluahmah cang hna lai. Can rauh hlan ah Myanmar ram mipi vialte nih kan saduh thah cu a tling cang lai.

Leave a Reply

Your email address will not be published. Required fields are marked *